بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ ايتتى, دەپ حابارلايدى Egemen.kz.
ءمينيستردىڭ دەرەگىنشە, بيىل ەل اۋماعىندا 200 مەكتەپ سالىنىپ, 2 مىڭ پاندىك كابينەت ساتىپ الىنادى. 300 بالاباقشا اشىلادى.
ء«بىلىم بەرۋ ستاتيستيكاسىن اشامىز. بىزدە ۇلتتىق ءبىلىم بەرۋ دەرەكتەر بازاسى دەگەن بار. جەكە دەرەكتەردەن باسقا بارلىق دەرەكتەردى اشۋىمىز كەرەك. ارينە, ستاتيستيكانى اشقاندا دا ول كەزەڭ-كەزەڭمەن ىستەلەتىن جۇمىس. دەگەنمەن, بۇل ستاتيستيكا بارلىق قوعامعا اشىق, تۇسىنىكتى بولۋى كەرەك. قوعامنىڭ باقىلاۋى بولۋى قاجەت», دەدى اسحات ايماعامبەتوۆ.
ءبىلىم جانە عىلىم ءمينيسترى بۇدان بىلاي مەكتەپتەردە ماتەماتيكا ءپانى وقۋشىلاردى توپقا ءبولۋ ارقىلى وقىتىلاتىنىن ايتتى.
«مەملەكەت باسشىسى تەحنيكالىق مامانداردى دايىنداۋ بويىنشا تاپسىرما بەردى. وسى تاپسىرمانى ورىنداۋعا ماتەماتيكالىق ءبىلىمدى دامىتۋ ءوز سەپتىگىن تيگىزەرى ءسوزسىز. سوندىقتان ءبىز بىرىنشىدەن, ماتاماتيكانى مەكتەپتەردە توپقا ءبولىپ وقىتۋ ماسەلەسىن قاراستىرىپ, ۇسىنىپ, ونى ەنگىزۋگە دايىندالىپ جاتىرمىز. ەكىنشىدەن, تەحنولوگيا, ەڭبەككە باۋلۋ ماسەلەسى دە وتە ماڭىزدى. سول سەبەپتى بۇل ءپاندى دە ءبولىپ وقىتۋ كەرەك. كەزىندە سولاي بولعان. ەندى سول تارتىپكە قايتىپ كەلۋىمىز قاجەت», دەدى اسحات ايماعامبەتوۆ ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا.