قازاقستان جاستار كومانداسى (U-19) ارمەنيادا جولداستىق كەزدەسۋ وتكىزۋدى جوسپارلاپ وتىر, دەپ حابارلايدى Egemen.kz قازاقستان فۋتبول فەدەراتسياسىنىڭ ءباسپاسوز قىزمەتىنە سىلتەمە جاساپ.
نۇر-سۇلتاندا وقۋ-جاتتىعۋ جيىنىن وتكىزگەننەن كەيىن كوماندا ارمەنياعا اتتانادى. وندا ولار وسى ەلدىڭ قۇراماسىمەن 2 ماتچ وينايدى.
19 جاسقا دەيىنگى قازاقستان قۇراماسى 8 اقپاندا ەرەۆانعا اتتانادى.
ايتا كەتەلىك, بيىلدان باستاپ ەلىمىزدىڭ جاستار قۇراماسىن ۆاحيد ماسۋدوۆ باسقارادى. وتكەن جىلى قۇرامانى الەكساندر كۋزنەتسوۆ جاتتىقتىرعان.