الماتى اكىمىنىڭ ورىنباسارى ءىلياس وسەروۆ كولىگى قالاداعى تارتىپسىزدىكتەر كەزىندە ب ۇلىنگەنىن دالەلدەگەن جۇرگىزۋشىلەرگە كەلتىرىلگەن شىعىندى وتەۋ ماسەلەسى قاراستىرىلىپ جاتقانىن ايتتى, دەپ حابارلايدى Egemen.kz.
وكق بريفينگىندە اكىمدىك وكىلدەرىنەن قالاداعى تارتىپسىزدىك كەزىندە ب ۇلىنگەن كولىكتەر مەن پاتەرلەر يەلەرىنە مەملەكەت شىعىندى وتەي مە دەگەن سۇراق قويىلدى.
اكىم ورىنباسارى ءىلياس وسەروۆ زارداپ شەككەن كاسىپكەرلەر مەن جەكە تۇلعالارعا وتەماقى تولەۋ ءالى باستالماعانىن, ويتكەنى وتەماقى تولەۋ ەرەجەلەرى جاقىندا عانا ازىرلەنگەنىن جانە ءالى قابىلدانىپ جاتقانىن ايتتى. بۇل ەرەجەلەردى ۇكىمەتتىك كوميسسيا اكىمدىككە جەتكىزگەن كەزدە تۇرعىندار نازارىنا ۇسىنىلادى.
«حالىقتىڭ تىكەلەي جەكە مۇلكىنە كەلەتىن بولساق, بۇل ماسەلەلەردى دە پىسىقتايمىز. كوپ جەكە اۆتوكولىك زارداپ شەككەنى تۇسىنىكتى, جاي زاقىمدانعانى, ورتەنىپ كەتكەندەرى بار. بۇل ماسەلەنى دە قاراستىرىپ جاتىرمىز, زارداپ شەككەن حالىق, مۇمكىن پوليتسياعا ارىز بەرۋ كەرەك شىعار, ەگەر ولاردىڭ زالالى شىن مانىندە راستالسا, ونى وتەۋ ماسەلەسىن, ونىڭ ىشىندە جەكە تۇلعالارعا دا قاراستىرامىز», دەدى اكىم ورىنباسارى.