ورال-اتىراۋ تاسجولىندا «كاماز» بەن Toyota Camry كولىگى سوقتىعىستى. اپات سالدارىنان بەس ادام قازا بولدى, دەپ حابارلايدى Egemen.kz.
بۇل تۋرالى «موي گورود» باسىلىمى ءمالىم ەتتى.
ءوڭىر پوليتسياسى مالىمەتىنشە, جول اپاتى 14 قاڭتاردا ساعات 7.55-تە بولعان.
«كولىكتەر سوقتىعىسقاننان كەيىن ءورت شىققان. جول اپاتى سالدارىنان بەس ادام قازا تاپتى. دەرەككە قاتىستى قر قك-نىڭ 345-بابى «جول-قوزعالىسى ەرەجەسىن بۇزۋ» بويىنشا سوتالدى تەرگەۋ باستالدى», دەدى بقو پوليتسيا دەپارتامەنتىنىڭ ءباسپاسوز قىزمەتى وكىلدەرى.
وبلىستىق تجد ءباسپاسوز قىزمەتى مالىمەتىنشە, جەڭىل اۆتوكولىك تولىق جانىپ كەتكەن. قازا بولعانداردىڭ جەكە باسى ءالى انىقتالعان جوق. وقيعانىڭ باسقا دا ءمان-جايى انىقتالىپ جاتىر.