قازاقستاندا تۇرعىن ۇيلەردە ۇستاۋعا تىيىم سالىنعان جانۋارلاردىڭ ءتىزىمى جاريالاندى, دەپ حابارلايدى Egemen.kz.
ورمان شارۋاشىلىعى جانە جانۋارلار دۇنيەسى كوميتەتى جانۋار يەسىنىڭ ەرەكشە جاۋاپكەرشىلىگىن تالاپ ەتەتىن ءۇي جانۋارلارى مەن تۇرعىن ۇيلەردە ۇستاۋعا تىيىم سالىنعان جانۋارلاردىڭ ءتىزىمىن ازىرلەدى.
دالىرەك ايتساق, ءومىر ءسۇرۋ ورىندارىندا تىيىم سالىنعان تىزىمگە بارلىق كوبرالار, بارلىق مامب جىلاندارى, تايپاندار, بۋمسلانگ (اعاش جىلاندارى), شاراپ جىلاندارىنىڭ بارلىق تۇرلەرى, پيتوندار, جالعان اياقتى جىلاندار, شىنجىر جىلاندار, قۇمدى ەفا جىلاندارى, گابون جىلاندارى, كومودو كەسىرتكەسى مەن قولتىراۋىنداردىڭ بارلىق تۇرلەرى ەندى.
سونداي-اق, تىزىمدە بىرقاتار قوسمەكەندىلەرگە, اراحنيدتەرگە, سونىڭ ىشىندە قاراقۇرتتار, شاياندار, تارانتۋلالار, يتبالىقتار, مورجدار, ايۋلار, ارىستاندار, بارىستار, سىلەۋسىندەر, پىلدەر, كەنگۋرۋ, بەگەموتتار, قولتىراۋىندار, مايمىلداردىڭ ءارتۇرلى تۇرلەرى مەن باسقالارى دا بار.
ءتىزىمنىڭ تولىق نۇسقاسى كورسەتىلگەن قۇجات 27 قاڭتارعا دەيىن جاريا تالقىلاۋ ءۇشىن «اشىق نقا» سايتىندا جاريالاندى.