ەلدەگى قالىپتاسقان جاعدايعا بەي-جاي قاراي المايتىن جاناشىر ازاماتتار قالالار دا, اۋداندار مەن اۋىلداردا دا جاپپاي تارتىپسىزدىكتەرگە, توناۋشىلىق پەن ۇرلىق-قارلىق سياقتى كەلەڭسىزدىكتەرگە جول بەرمەۋ ءۇشىن ەرىكتىلەر جاساقتارىن قۇرا باستادى.
ءبىز مۇنى دۇرىس باستاما دەپ ەسەپتەيمىز جانە قولدايمىز. شارۋالارعا, ورتا تاپقا كەرەگى - تۇراقتىلىق. تۇراقتىلىق بار جەردە يگىلىك ارتادى. سوندىقتان «شوپان اتا» مال وسىرۋشىلەر قاۋىمداستىعى ءوزىنىڭ جەرگىلىكتى فيليالدارى ارقىلى وسىنداي جاساقتار قۇرىپ, ءتارتىپ ساقشىلارىنا قولداۋ كورسەتۋگە كىرىستى.
ەلىمىزدىڭ قوستاناي مەن سولتۇستىك قازاقستان وبلىستارىنان باسقا (بۇل وڭىرلەردە فيليالدارىمىز جوق) 12 وبلىسىندا وسىنداي ەرىكتىلەر توبىن قۇرۋعا شەشىم قابىلدانىپ, 400-گە تارتا ادام جۇمىلدىرىلىپ جاتىر. ولار ەلگە باسۋ ايتىپ, جاعدايدى تۇسىندىرۋمەن قاتار, ءوز ەلدى مەكەندەرىندە تارتىپسىزدىكتەرگە, توناۋ, دۇنيە-م ۇلىكتى ءبۇلدىرۋ سياقتى كەلەڭسىز ارەكەتتەردىڭ جولىن كەسۋ ىسىنە اتسالىساتىن بولادى.
الماسبەك سادىرباەۆ,
«شوپان اتا» مال وسىرۋشىلەر قاۋىمداستىعىنىڭ توراعاسى