ەلدىگىمىزدى, بىرلىگىمىزدى كورسەتەتىن كۇندەرگە تاپ بولدىق. وكىنىشكە قاراي, تەرىس پيعىلدى, جاۋىز نيەتتى توپتار سىرتتان, اقىلى تايىز, ومىرىنە ريزا ەمەس, ءوزىنىڭ, ۇرپاعىنىڭ بولاشاعىن ويلامايتىندار ىشتەن ەلىمىزدىڭ تىنىشتىعىن بۇزىپ, حالىقتى قايعىعا ۇشىراتتى.
رەسپۋبليكا ارداگەرلەرى بولىپ جاتقان بۇزاقىلىقتىڭ توقتاۋى ءۇشىن حالىق اراسىندا اقساقالدىق, اعالىق, تۇسىنىك جۇمىستارىن جۇرگىزۋدە.
شاڭىراعىمىزدىڭ شايقالۋىنا ۇمتىلعان توپقا كەشىرىم جوق.
ەلىن, حالقىن, ابىرويىن ويلانباي وتقا سالعان قانداستارىمىز ءوز قاتەسىنە زاڭ الدىندا جاۋاپ بەرۋگە ءتيىس.
بۇل جاعدايدا ۇقشۇ بىتىمگەرلىك ميسسياسىن شاقىرۋ تۋرالى شەشىمنىڭ دۇرىستىعىنا كوز جەتكىزدىك.
عاسىرلار ارمانداعان تاۋەلسىزدىگىمىزگە كولەڭكە تۇسپەگەي!
پرەزيدەنتىمىز قاسىم-جومارت كەمەل ۇلىنىڭ باسشىلىعىمەن قابىلدانىپ جاتقان شارالاردى قولداپ, توڭىرەگىنە توپتاسايىق, اعايىن!
باقتىقوجا ىزمۇحامبەتوۆ,
رەسپۋبليكالىق «ارداگەرلەر ۇيىمى» ورتالىق كەڭەسىنىڭ توراعاسى