مەملەكەت باسشىسى قاسىم-جومارت توقاەۆتىڭ توراعالىعىمەن شۇعىل ارەكەت ەتۋ شتابىنىڭ وتىرىسى ءوتتى. جيىندا باس پروكۋرور, ۇلتتىق قاۋىپسىزدىك كوميتەتىنىڭ توراعاسى جانە ىشكى ىستەر, قورعانىس مينيسترلەرىنىڭ مىندەتىن اتقارۋشى تۇلعالار بايانداما جاسادى, دەپ حابارلايدى Egemen.kz اقورداعا سىلتەمە جاساپ.
وتىرىستا الماتى قالاسى مەن وزگە دە وڭىرلەردەگى تەررورلىق شابۋىلداردىڭ سالدارىنان ب ۇلىنگەن اكىمشىلىك عيماراتتارىن, الەۋمەتتىك جانە كوممۋنالدىق نىسانداردى, ينفراقۇرىلىمداردى قالپىنا كەلتىرۋ ماسەلەلەرى جان-جاقتى تالقىلاندى.
سونىمەن قاتار ۇقشۇ-نىڭ بىرىككەن بىتىمگەرلىك كۇشتەرى بولىمشەلەرىنىڭ ەلوردادا قورعاۋ فۋنكتسياسىن اتقارۋى قازاقستاندىق قۇقىق قورعاۋ ورگاندارى كۇشتەرىنىڭ ءبىر بولىگىن بوساتىپ, لاڭكەستىككە قارسى ءىس-قيمىلدارعا قاتىسۋ ءۇشىن الماتىعا جىبەرۋگە مۇمكىندىك بەردى.
قاسىم-جومارت توقاەۆ ەلىمىزدەگى تۇرعىنداردىڭ مۇددەسى ءۇشىن جاعدايدى تۇراقتاندىرۋعا تارتىلعان ۆەدومستۆولاردىڭ جۇيەلى ءارى جەدەل جۇمىستارىن قامتاماسىز ەتۋدى تاپسىردى.