قر توتەنشە جاعدايلار مينيسترلىگىنەن حابارلانعانداي, لاڭكەستىك كەزىندە ءوز قىزمەتىن اتقارۋعا تىرىسقان ءورت ءسوندىرۋ قىزمەتكەرلەرىنە 33 رەت شابۋىل جاسالعان, دەپ حابارلايدى Egemen.kz ۆەدومستۆو ءباسپاسوز قىزمەتىنە سىلتەمە جاساپ.
جاپپاي تارتىپسىزدىك كەزىندە لاڭكەستەر ءورت سوندىرۋشىلەرگە تاس لاقتىرىپ, وق اتتى, جولدارىن اۆتوكولىكتەرمەن بوگەدى.
ناتيجەسىندە, قىزمەتتىك مىندەتتەردى اتقارۋ بارىسىندا توتەنشە جاعدايلار مينيسترلىگىنىڭ 10 قىزمەتكەرى ءارتۇرلى دەنە جاراقاتتارىن السا, بىرەۋى وق جاراقاتىن الدى. الماتى قالاسىندا سەگىز قىزمەتكەر, ال اقتوبە وبلىسىندا ەكى قىزمەتكەر زارداپ شەكتى.
شابۋىل سالدارىنان 29 ءورت تەحنيكاسى قيرادى, ونىڭ ىشىندە 5 ءورت اۆتوتسيستەرناسى تولىعىمەن ورتەنىپ كەتتى.
وسىعان قاراماستان, تجم مەملەكەتتىك ورتكە قارسى قىزمەتى 81 ءورتتى ءسوندىرىپ, 143 ادامدى قۇتقارىپ قالدى.