قر ءىىم الماتىدا بىرنەشە قارۋلانعان ادام ۇستالعانىن حابارلادى.
«7 قاڭتار تۇستەن كەيىن ءال-فارابي جانە كىشى جەلتوقسان داڭعىلدارىنىڭ قيىلىسىندا پوليتسەيلەر قارۋلى ادامدار ءمىنىپ جۇرگەن «بمۆ» ماركالى اۆتوكولىكتى بوگەدى. ونىڭ سالونىندا 1990 جانە 1998 جىلى تۋعان ەكى ەر ادام بولدى. ولاردى تەكسەرۋ كەزىندە تاپانشا مەن پىشاق تابىلدى.
قالانىڭ مەدەۋ اۋدانىندا پوليتسيا قىزمەتكەرلەرى قارۋلى قاسكۇنەمدەردىڭ تاعى ءبىر توبىن ۇستادى.
قىراعى ازاماتتاردىڭ حابارلاۋى بويىنشا قارۋلى ادامدار جاسىرىنعان پاتەر انىقتالدى.
ارنايى وپەراتسيا بارىسىندا بەس ەر ادام ۇستالدى. ولاردان پاتروندارى بار «اقبوكەن» اڭشىلىق كارابينى, رەزەڭكە جانە مەتالل تاياقشالار, بەنزينى بار ەكى بەس ليترلىك ىدىس, التىن بۇيىمدار تاركىلەندى.
ەكى فاكتى دە سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلگەن, ونىڭ بارىسىندا الىپ قويىلعان قارۋ مەن زاتتاردىڭ تيەسىلىلىگى انىقتالاتىن بولادى.كۇدىكتىلەر قاماۋعا الىندى», دەلىنگەن حابارلامادا