مەملەكەت باسشىسى قاسىم-جومارت توقاەۆ ەلىمىزدە قالىپتاسقان جاعدايعا بايلانىستى ارنايى مالىمدەمە جاسادى, دەپ حابارلايدى Egemen.kz.
قۇرمەتتى وتانداستار! قادىرلى اعايىن!
بارشاڭىزعا تاعى دا ايتارىم. ىشتەن جانە سىرتتان بولعان سان ءتۇرلى جالعان اقپاراتتارعا سەنىپ, ەرەۋىلگە سالىنعان توپتىڭ قۇتىرقى ارەكەتتەرى مەن تارتىپسىزدىككە ەرمەي, پاراساتپەن جانە اقىلمەن عانا شەشىم قابىلداۋعا شاقىرامىن.
بۇل ورەسكەل قىلمىستىق ارەكەت. بيلىك قۇلامايدى! بىراق بىزگە ءوزارا سەنىم جانە ءوزارا ديالوگ كەرەك. ال جاستارعا ايتارىم, جارقىن بولاشاقتارىڭا بالتا شاپپاڭىزدار. جاقىندارىڭىز بەن تۋعان-تۋىسقاندارىڭىزدىڭ جاعدايىن ويلاڭىزدار! جالپى بارلىق زاڭ اياسىنداعى وتىنىشتەر مەن تالاپتار ەسكەرىلەدى. ءتيىستى شەشىمدەر قابىلدانادى. ەرتەڭ وسى ماسەلەلەر بويىنشا ارنايى جينالىس وتەدى. مەن بارشاڭىزدىڭ پاراساتتىلىقتارىڭىزعا سەنەمىن. سىزدەردىڭ اماندىقتارىڭىز بەن تۇتاس ەلىمىزدىڭ قازىرگى الەمدەگى جاعدايى وسىعان بايلانىستى.