اقتوبەدە بوراندى كۇنى جولدا قالعان 15 ادامعا قۇتقارۋشىلار كومەكتەستى, دەپ حابارلايدى Egemen.kz.
3 قاڭتاردا قۇتقارۋ قىزمەتىنىڭ پۋلتىنە حرومتاۋ اۋدانى ءدوڭ اۋىلىنان 55 شاقىرىم جەردە بىرنەشە كولىك قار قۇرساۋىندا قالىپ قويعانى تۋرالى حابارلاما ءتۇستى. اۋداندىق قۇتقارۋشىلار ترەكول تەحنيكاسىمەن وقيعا ورنىنا جەدەل جەتتى.
«وقيعا ورنىنا بارعان توتەنشە جاعدايلار قىزمەتكەرلەرى 15 ادامدى, ونىڭ ىشىندە 1 بالانى قۇتقارىپ, قار قۇرساۋىنان 5 جەڭىل اۆتوكولىكتى شىعاردى.
سونىمەن بىرگە ساعات 19:30-دا بادامشا-جانگەلدى ەلدى مەكەندەرىنىڭ اراسىندا اۋا رايىنىڭ قولايسىزدىعىنان نيۆا ماركالى اۆتوكولىك قار قۇرساۋىندا قالىپ قويدى. قۇتقارۋشىلار ولاردا جانار-جاعار مايدىڭ تاۋسىلعانىن, ءسويتىپ 4 ساعات بويى تۇرىپ قالعانىن انىقتادى. 2003 جانە 2004 جىلى تۋعان ەكى ءجاسوسپىرىمدى قۇتقارىپ, بادامشا اۋىلىنا جەتكىزدى», دەدى وبلىستىق تجد ءباسپاسوز قىزمەتى.
اقتوبە وبلىستىق توتەنشە جاعدايلار دەپارتامەنتى ەسكەرتۋ جاريالانعاندا الىس جولعا شىقپاۋدى ەسكە سالادى. ەگەر توتەنشە جاعدايعا تاپ بولساڭىز, وندا ماشينانىڭ اۆاريالىق سيگنالدارىن قوسىپ, «112» قۇتقارۋ قىزمەتىنە دەرەۋ حابارلاۋ قاجەت.