پارلامەنت دەپۋتاتتارى اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى زاڭناماعا وزگەرىستەر مەن تولىقتىرۋلار ەنگىزىلەتىن زاڭ جوباسىن ازىرلەدى, دەپ حابارلايدى Egemen.kz.
وسىلايشا, اتقارۋشىلىق ءىس جۇرگىزۋگە قاتىسۋشىلار اتقارۋشىلىق ارەكەتتەر تۋرالى جانە ماجبۇرلەپ ورىنداتۋ شارالارى تۋرالى حاباردار ەتىلەدى.
«اتقارۋشىلىق قۇجات دەرەۋ ورىندالۋعا جاتاتىن جاعدايلاردا, سونداي-اق م ۇلىككە تىيىم سالىنعان جانە وزگە دە قامتاماسىز ەتۋ شارالارى قابىلدانعان كەزدە سوت ورىنداۋشىسى اتقارۋشىلىق ارەكەتتەر جاساۋعا جانە بۇل تۋرالى اتقارۋشىلىق ءىس جۇرگىزۋگە قاتىسۋشىلارعا الدىن الا حابارلاماي, ماجبۇرلەپ ورىنداتۋ شارالارىن قولدانۋعا قۇقىلى», دەلىنگەن زاڭ جوباسىندا.
بۇل رەتتە بورىشكەردىڭ جەكە قاتىسۋىن تالاپ ەتەتىن جاعدايلاردا سوت ورىنداۋشىسى ونى اتقارۋشىلىق ارەكەتتەر جاسالعان جەرگە شاقىرۋ قاعازىمەن شاقىرۋعا قۇقىلى ەكەندىگى كورسەتىلەدى.
سونداي-اق ءىس جۇزىندە سوت ورىنداۋشىلارى بورىشكەرلەردى نەگىزسىز جانە قاجەتتىلىكسىز وزدەرىنە شاقىرا الادى. وسىعان بايلانىستى سوت ورىنداۋشىسىنا شاقىرۋلاردى جەكە الىپ تاستاۋ جانە اتقارۋشىلىق ءىس جۇرگىزۋ جۇرگىزىلەتىن جەرگە شاقىرۋلاردى عانا قالدىرۋ جانە شاقىرۋلار بورىشكەردىڭ جەكە قاتىسۋىن تالاپ ەتەتىن جاعدايلاردا عانا جۇزەگە اسىرىلۋى مۇمكىن ەكەندىگى تۋرالى ناقتىلاۋ ەنگىزۋ ۇسىنىلادى.
زاڭنىڭ قولدانىستاعى رەداكتسياسىندا اتقارۋشىلىق ءىس جۇرگىزۋدى قوزعاۋ الدىندا بورىشكەردە كەپىلدىڭ بولۋىن تەكسەرۋ جونىندەگى تالاپ جوق.
ءىس جۇزىندە بورىشكەر اتقارۋشىلىق ءىس جۇرگىزۋ باستالعانعا دەيىن قارىزدى وتەگەن جاعدايلاردا اتقارۋشىلىق ءىس جۇرگىزۋ قوزعالعان كەزدە جاعدايلار ءجيى تۋىندايدى. وسىعان بايلانىستى ادامنىڭ اتقارۋشىلىق ءىس جۇرگىزۋ باستالار الدىندا بەرەشەگىنىڭ بار-جوعىن تەكسەرۋگە مۇمكىندىك بەرەتىن نورمانى ەنگىزۋ ۇسىنىلادى.
سونداي-اق سوت ورىنداۋشىسىنىڭ بورىشكەردى ءۇش جۇمىس كۇنى ىشىندە ماجبۇرلەپ ورىنداتۋ شارالارى تۋرالى حاباردار ەتۋ مىندەتىن بەلگىلەۋ ۇسىنىلادى.
بۇدان باسقا, سوت ورىنداۋشىسىنىڭ بارلىق الدىڭعى سوت ورىنداۋشىلارىنىڭ قاۋلىلارىن جويۋ جونىندەگى مىندەتىن بەلگىلەۋ ۇسىنىلادى, ويتكەنى قازىرگى ۋاقىتتا اتقارۋشىلىق ءىس جۇرگىزۋ بورىشتى تولىق وتەۋگە بايلانىستى توقتاتىلعان جاعدايلاردا بۇل مىندەت جوق.
«بۇل قارىزدى تولىعىمەن تولەگەن بورىشكەردى بۇرىن وسى ءوندىرىسى بولعان ءاربىر سوت ورىنداۋشىسىنان ول شىعارعان قاۋلىنىڭ كۇشىن جويۋدى سۇراۋعا ءماجبۇر ەتەدى», دەيدى قۇجاتتى جاساۋشىلار.
ولار ازاماتتاردىڭ كونستيتۋتسيالىق قۇقىقتارىنىڭ بۇزىلۋىن بولدىرماۋ ءۇشىن سوت ورىنداۋشىسىنىڭ ماجبۇرلەۋ شارالارىن قولدانۋ تۋرالى بارلىق قاۋلىلاردى, ونىڭ ىشىندە الدىڭعى ورىنداۋشىلار شىعارعان قاۋلىلاردى دەرەۋ جويۋ مىندەتىن ەنگىزۋ قاجەت دەپ سانايدى.
زاڭ جوباسىنىڭ قۇجاتتاماسىمەن مىنا سىلتەمە ارقىلى تانىسۋعا بولادى.