ەلوردادا 2021 جىلعا ارنالعان «جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن باسپانا» تۇرعىن ءۇي باعدارلاماسىنىڭ ناتيجەلەرى جاريالاندى. باعدارلاما بويىنشا وتكەندەردىڭ اراسىندا ەكى كوپپاتەرلى تۇرعىن ۇيدە ورنالاسقان 800 پاتەر بولىنەدى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
بيىل «جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسىنا قاتىسۋعا 4863 ادام ءوتىنىم بەردى, ولاردىڭ 800-ءى جاقىن ارادا پاتەر كىلتىن الادى.
نۇر-سۇلتاندا باعدارلاما بويىنشا وتكەندەردىڭ ءتىزىمى zhilfond.kz سايتىندا جاريالانعان .
ءۇش ءتىزىم جاسالدى:- ىرىكتەۋدەن وتكەن (ەڭ تومەنگى شەكتى بالل – 20);- رەزەرۆ ء(وتىنىم بەرۋشى نەگىزگى تالاپتار بويىنشا كەلەدى, بىراق بالدار بويىنشا وتپەيدى جانە ەگەر ماقۇلدانعان 800-دەن باس تارتۋ بولعان جاعدايدا, وندا رەزەرۆتىك تىزىمنەن ءوتىنىم بەرۋشىلەر قابىلدانادى);- ىرىكتەۋدەن وتپەگەندەر (qatysu.zhilfond.kz پورتالىندا جەكە كابينەتتەن باس تارتىلعان);
213 پاتەر كەنەسارى جانە سەمبينوۆ كوشەلەرىنىڭ قيىلىسىندا ورنالاسقان, ونىڭ ىشىندە:- 1 بولمەلى پاتەرلەر – 144. جالپى اۋدانى: 40,0 - 49,5 م2.- 2 بولمەلى پاتەرلەر – 69. جالپى اۋدانى: 56,7 - 58,7 م2.
تاعى 587 پاتەر ابىلاي حان, ب. مومىش ۇلى جانە ر. قوشقارباەۆ داڭعىلدارىنىڭ قيىلىسىندا ورنالاسقان, ونىڭ ىشىندە:- 1 بولمەلى پاتەر – 378. جالپى اۋدانى: 40,0 - 48,8 م2.- 2 بولمەلى پاتەرلەر– 209. جالپى اۋدانى: 55,9 - 57,5 م2 .
ءوتىنىم بەرگەن قاتىسۋشىلار اراسىندا ىرىكتەۋ بالدىق جۇيە بويىنشا جۇرگىزىلدى, پاتەرلەردى ءبولۋ ءوتىنىش بەرۋشىنىڭ وتباسى قۇرامىنا جانە جيناعان بالدارىنا سايكەس جۇرگىزىلەدى.
- باعدارلامانىڭ بارلىق قاتىسۋشىلارىنا «ىرىكتەۋدەن ءوتتى», «رەزەرۆ» نەمەسە «باس تارتىلدى» دەگەن سمس-حابارلامالار جىبەرىلدى.- باعدارلاما بويىنشا وتكەندەر ءۇشىن قونىستاندىرۋ ۋاقىتى مەن كۇنى, پاتەردىڭ مەكەنجايى تۋرالى اقپارات قوسىمشا حابارلانادى جانە qatysu.zhilfond.kz پورتالىنداعى جەكە كابينەتتە ورنالاستىرىلادى.