Qazaqstan Team رەسپۋبليكالىق جاستار ۇيىمىنىڭ بەلسەندىلەرى «ەلدىكتىڭ جەتى تۇعىرى» تاقىرىبىندا دوڭگەلەك ۇستەل وتىرىسىن وتكىزدى. ءىس-شاراعا اعا جانە جاس ۇرپاق وكىلدەرى, قوعامدىق پىكىر كوشباسشىلارى, سپورتشىلار مەن كاسىپكەرلەر قاتىستى.
Nur Otan پارتياسى ساياسي كەڭەسىنىڭ كەڭەيتىلگەن وتىرىسى بارىسىندا قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ قازاقستاندىقتار ءۇشىن نەگىزگى باعدار بولاتىن «ەلدىكتىڭ جەتى تۇعىرى» قاعيداتتارىنىڭ جيىنتىعىن ۇسىنعان بولاتىن. اتالعان تاقىرىپقا بايلانىستى ۇيىمداستىرىلعان دوڭگەلەك ۇستەلدىڭ مودەراتورى Qazaqstan Team رەسپۋبليكالىق جاستار ۇيىمىنىڭ جەتەكشىسى ولجاس سۇلەيمەنوۆ بولدى.
سپيكەرلەر رەتىندە پرەزيدەنت جانىنداعى جاستار ساياساتى جونىندەگى كەڭەستىڭ مۇشەسى ءۋاليحان باحرەتدينوۆ, قحا كەڭەسىنىڭ مۇشەسى, «اسسامبلەيا جاستارى» رقب توراعاسى تيمۋر جۇمىرباەۆ, نۇر-سۇلتان قالاسىنىڭ WT تاەكۆوندو فەدەراتسياسىنىڭ ۆيتسە-پرەزيدەنتى ارال سادىقوۆ, Munarat مەكتەپكە دەيىنگى ءبىلىم بەرۋ جوباسىنىڭ نەگىزىن قالاۋشى ەركەبۇلان امانتاەۆ, «قارا شاڭىراق» رقب جەتەكشىسى بايان احاتاي, sabaq.online پلاتفورماسىنىڭ ديرەكتورى بوگەنباي سەرىكباي قاتىستى.
ا.سادىقوۆتىڭ پىكىرىنشە, سپورت «ەلدىكتىڭ جەتى تۇعىرى» قاعيداتىنداعى وتە ماڭىزدى سالا, ويتكەنى سالاماتتى ءومىر سالتى – ۇلت دەنساۋلىعىنىڭ كەپىلى. ءوز سوزىندە ب.احاتاي «قوعامنىڭ بارلىق سالاسىنىڭ باستاۋىندا تۇنىق تاربيە – مادەنيەت تۇرعاندا عانا قوعامنىڭ كوشى تۇزەلەدى. ال تاربيە تال بەسىكتەن ەكەنىن ەسكەرسەك, كوپ ق ۇلىپتى اشاتىن ءبىر كىلت انالاردىڭ قولىندا. سوندىقتان انالاردىڭ تاربيەسى مەن ءبىلىمى, مادەنيەتى ۇشتاسقاندا عانا سانالى بالا, ساپالى ۇرپاق قالىپتاستىرا الامىز», دەدى.
«مەكتەپكە دەيىنگى ءبىلىم بەرۋ جۇيەسىنىڭ دامۋى, وتباسى مەن سالت-ءداستۇر قۇندىلىقتارىنىڭ باستاپقى قادامى بولىپ تابىلادى», دەدى ە.امانتاەۆ.
«تاۋەلسىزدىكتىڭ 30 جىلدىعى قارساڭىندا قازاقستاننىڭ جاستارى الدىندا قازاقستاننىڭ ىرگەسىن نىعايتۋ ءارى دامىتۋ مىندەتى تۇر. بۇل بيىك مۇراتتى ءتۇسىنۋ جانە ونىڭ ورىندالۋىنا كۇش-جىگەرىن قوسۋ وسكەلەڭ ۇرپاقتىڭ باستى تاريحي جانە ساياسي جاۋاپكەرشىلىگى», دەدى ۋ.باحرەتدينوۆ.
ء«بىز ەلىمىزدىڭ ودان ءارى دامۋىنا ۇلەس قوسۋعا تىرىسامىز. ال «ەلدىكتىڭ جەتى تۇعىرىنىڭ» ماڭىزدىلىعىن جاستارعا جەتكىزۋ – ءبىزدىڭ پارىزىمىز. ەلباسى ءوز ۇندەۋىندە بىزگە, كەلەشەك ۇرپاققا, جاستارىمىزعا وسىنداي جاۋاپتى ميسسيانى جۇكتەگەنىنە وتە قۋانىشتىمىن. Qazaqstan Team تالانتتاردى انىقتاۋ الاڭى بولىپ, سول ارقىلى جاستار ساياساتىن كۇشەيتەدى دەپ سەنەمىز», دەپ تۇيىندەدى ولجاس سۇلەيمەنوۆ.
ايتا كەتەيىك, Qazaqstan Team بىرلەستىگىنىڭ نەگىزگى ماقساتى – جاستاردىڭ ۆولونتەرلىك قىزمەتىن تانىمال ەتۋ, ۇيىمداستىرۋ جانە ۇيلەستىرۋ.