سەربيا استاناسى بەلگراد قالاسىندا وتكەن الەم چەمپيوناتىندا جاسىنداي جارقىراپ كۇمىس مەدال يەلەنگەن, ماماندار «قازاق لوماچەنكوسى» اتاپ كەتكەن ماحمۇد سابىرحان الداعى جىلعا ارنالعان جوسپارى جايلى اڭگىمەلەدى, دەپ حابارلايدى Egemen.kz Olympic.kz-كە سىلتەمە جاساپ.
«ەرەسەكتەر اراسىنداعى الەم چەمپيوناتىندا كۇمىس جۇلدە بۇيىردى. البەتتە, مەن التىن جۇلدەمەن ورالۋدى ارمانداعان بولاتىنمىن. الايدا بەلگراد تورىندە ول ارمانىم ورىندالمادى. ايتكەنمەن سول كۇمىستى التىنعا اينالدىرۋ جولىندا تەر توگۋگە ءازىرمىن. ەندى مەن بولاشاقتا ۇلكەن جەتىستىكتەرگە جەتۋ ءۇشىن بۇرىنعىدان ەكى ەسە ەڭبەكتەنەمىن. كەلەسى جىلدىڭ باستى الامانى – ازيا ويىندارى. قىتايدا جالاۋى جەلبىرەيتىن جارىسقا دايىندىقتى قازىردەن باستاپ كەتتىم», دەيدى تالانتتى بوكسشى.