ەلىمىزدىڭ بارلىق وڭىرلەرىندە 2 مىڭنان استام ءدىنتانۋشىلار مەن تەولوگتار ءتۇسىندىرۋ جۇمىستارىن جۇرگىزۋدە. بۇل جۇمىستىڭ نەگىزگى باعىتتارى – ماقساتتى جانە اقپاراتتىق-ءتۇسىندىرۋ جۇمىستارى, دەسترۋكتيۆتى يدەولوگيادان زارداپ شەككەندەردى وڭالتۋ جانە ءدىني ەكسترەميزمگە قارسى ناسيحات جۇرگىزۋ.
2021 جىلدىڭ 11 ايىندا 28 مىڭ ءتۇرلى فورماتتاعى ءىس-شارالار, ونىڭ ىشىندە 952 مىڭ ادامدى قامتىعان ماقساتتى توپتار اراسىندا 7,9 مىڭ ءىس-شارا ىسكە اسىرىلدى. بۇل شارالار جۇمىسسىزدار, جاستار, ءوزىن-ءوزى جۇمىسپەن قامتىعان ازاماتتار, سوتتالعاندار جانە ولاردىڭ وتباسى مۇشەلەرىنە جانە ت. ب. قاۋىپ-قاتەر توپتارعا نازار اۋدارا وتىرىپ ىسكە اسىرىلۋدا.
الدىن الۋ شارالاردىڭ ءبىرى - ينتەرنەت كەڭىستىگىندەگى جۇمىس. ماسەلەن, 2021 جىلدىڭ باسىنان بەرى ينتەرنەت-كەڭىستىكتە ءدىني ەكسترەميزم مەن تەرروريزمدى ناسيحاتتايتىن 181 مىڭنان استام ماتەريال انىقتالىپ, جويىلدى. 324 زاڭسىز ماتەريال بۇعاتتالدى. وتكەن جىلمەن سالىستىرعاندا جويىلعان جانە بۇعاتتالعان كونتەنت سانى 8 ەسەدەن استام ءوستى.
ايتا كەتەيىك, ەكسترەميستىك ماتەريالداردى بۇعاتتاۋ جانە جويۋ – بۇل قازاقستاندىقتاردىڭ راديكالدانۋىنا جول بەرمەۋ ءۇشىن ءماجبۇرلى, بىراق باستى شارا ەمەس. بۇل جۇمىس ءدىني ەكسترەميزمنىڭ الدىن الۋعا, حالىقتىڭ راديكالدى ناسيحاتقا قارسى يممۋنيتەتىن قالىپتاستىرۋعا, ازاماتتاردىڭ ەكسترەميزم يدەولوگياسىنىڭ زياندى اسەرىنە تۇسپەۋى ءۇشىن مەدياساۋاتتىلىق پەن سىني ويلاۋ دەڭگەيىن ارتتىرۋعا قايتا باعدارلانعان. جاستار اراسىندا ترەند فورماتتارىندا پروفيلاكتيكالىق كونتەنتتى ازىرلەۋگە ەرەكشە نازار اۋدارىلدى.
اتاپ ايتقاندا, مەكتەپ وقۋشىلارىنا ءدىني ەكسترەميزمنىڭ قاۋپىن تۇسىندىرەتىن «MEIRMAN» كوميكسى شىقتى.
بۇدان باسقا, ازاماتتاردىڭ ءدىنتانۋ ساۋاتتىلىعىن ارتتىرۋ جانە دەسترۋكتيۆتى ءدىني اعىمدار يدەولوگياسىنا قارسى ءىس-قيمىل جاساۋ ءۇشىن باق-تا, ينتەرنەت-رەسۋرستاردا جانە الەۋمەتتىك جەلىلەردە 132 مىڭنان استام ءتۇرلى فورماتتاعى جاريالانىم ورنالاستىرىلعان.
ايتا كەتەيىك, وتكەن جىلمەن سالىستىرعاندا اقپاراتتىق كەڭىستىكتە ەكسترەميزمگە قارسى تاقىرىپتاعى جاريالانىمدار 2 ەسەگە ارتتى.
قر اقدم راديكالدى يدەولوگياعا قارسى ناسيحات جۇرگىزۋ, كونفەسسياارالىق كەلىسىم قۇندىلىقتارى مەن, زايىرلى قاعيداتتارىن ىلگەرىلەتۋ جۇمىستارىن ودان ءارى ۇيىمداستىرىپ, جالعاستىراتىن بولادى.