ماليكا بەكتۇروۆا اكىم ورىنباسارى قىزمەتىنەن بوساتىلدى. بۇل اقپاراتتى اكىمدىكتىڭ ءباسپاسوز قىزمەتى راستادى, دەپ حابارلايدى Egemen.kz.
«ەلوردا اكىمىنىڭ ورىنباسارى ماليكا بەكتۇروۆا باسقا جۇمىسقا اۋىسۋىنا بايلانىستى 15 جەلتوقساننان باستاپ قىزمەتىنەن بوساتىلدى», دەپ حابارلادى اكىمدىكتىڭ ءباسپاسوز قىزمەتى.
ول - ەكونوميكا عىلىمدارىنىڭ كانديداتى. 2001 جىلى كەنتۋككي ۋنيۆەرسيتەتىن (اقش) «ساياساتتانۋ» ماماندىعى بويىنشا ءبىتىردى. 2003 جىلى اباي اتىنداعى الماتى مەملەكەتتىك ۋنيۆەرسيتەتىن «قارجى جانە نەسيە» ماماندىعى بويىنشا بىتىرگەن. 2003 جىلى «يندۋستريالىق ساياسات جانە ساۋدا (تق)» ماماندىعى بويىنشا كورەي دامۋ ينستيتۋتىن اياقتادى. 2004 جىلى گارۆارد ۋنيۆەرسيتەتىن «مەملەكەتتىك باسقارۋ» ماماندىعى بويىنشا بىتىرگەن. ونىڭ ەكى ماگيستر دارەجەسى بار.
ەڭبەك جولىن 2002 جىلى قارجى مينيسترلىگىندە جەتەكشى مامان بولىپ باستادى. ەكونوميكا جانە بيۋدجەتتىك جوسپارلاۋ مينيسترلىگىندە جەتەكشى مامان, يندۋستريا جانە ساۋدا مينيسترلىگىندە باس مامان, كولىك جانە كوممۋنيكاتسيا مينيسترلىگىندە ءبولىم باسشىسى, باسقارما باسشىسى جانە دەپارتامەنت ديرەكتورى بولىپ جۇمىس ىستەدى.
2006 جىلى قازاننان باستاپ اكىم ورىنباسارى لاۋازىمىنا تاعايىندالعانعا دەيىن ماليكا بەكتۇروۆا 2016 جىلى استانا قالاسىنىڭ كاسىپكەرلىك جانە ونەركاسىپ باسقارماسىنىڭ باسشىسى بولىپ جۇمىس ىستەدى.