قىتاي ەلىنىڭ سىرتقى ىستەر ءمينيسترى ۆان ي تايۆان بۇعازى وزگە ەلدەردىڭ قىتايعا قارسى قولداناتىن قارۋى بولمايتىنىن اتاپ ءوتتى, دەپ حابارلايدى Egemen.kz.
«تايۆان – باسقا كۇشتەر ويىندا پايدالاناتىن شاحمات فيگۋراسى ەمەس, ۇيگە ورالعان ساياحاتشى», دەدى قىتايدىڭ سىرتقى ىستەر ءمينيسترى ۆان ي حالىقارالىق جاعداي جانە قىتاي ديپلوماتياسى كونفەرەنتسياسىنىڭ اشىلۋ سالتاناتىندا سويلەگەن سوزىندە.
«راسىندا تايۆان بۇعازىنداعى شيەلەنىستىڭ جاڭا كەزەڭى باستالعان سەكىلدى. ماسەلەنىڭ ءمانىسى سول, تايۆان بيلىگى ۆاشينگتونعا تاۋەلسىزدىككە ۇمتىلۋ ءۇشىن سەنىم ارتپاق, ال اقش جانە باسقا دا جەكەلەگەن ەلدەر تايۆاندى قىتايدى باقىلاۋ ءۇشىن پايدالانۋعا نيەتتى», دەدى ۆان ي.
ول وسى قاراما-قايشىلىققا تولى ارەكەتتەر قارىم-قاتىناس مارتەبەسىن وزگەرتكەنىن جانە تايۆان بۇعازىنداعى تىنىشتىققا اسەر ەتكەنىن, سونىمەن قاتار حالىقارالىق قاۋىمداستىقتىڭ كەلىسىمى مەن حالىقارالىق قاتىناستاردىڭ نەگىزگى نورمالارىن بۇزعانىن اتاپ ءوتتى.
«تايۆان – قىتايعا قارسى قولداناتىن قارۋ ەمەس. قىتاي بارلىق جاعدايدا بىرىگۋى ءتيىس. سولاي بولادى», دەدى مينيستر ويىن تۇيىندەپ.