بۇدان بىلاي «اتىراۋ» فۋتبول كومانداسىن كونستانتين گوروۆەنكو جاتتىقتىرادى. بۇل تۋرالى كوماندانىڭ ءىnstagram پاراقشاسىندا اقپارات تارادى, دەپ حابارلايدى Egemen.kz.
«كونستانتين گوروۆەنكو – «اتىراۋ» فۋتبول كلۋبىنىڭ جاڭا باس باپكەرى. سونداي-اق, جاتتىقتىرۋشىلار قۇرامىنا يۋري نوۆيكوۆ – قاقپاشىلار باپكەرi, دەنيس مامونوۆ باس باپكەردىڭ كومەكشىسى رەتiندە كىردى. جاقىن ارادا ءبىز جاڭا سپورت ديرەكتورىنىڭ ەسىمىن جاريالايمىز» دەلىنگەن الەۋمەتتىك جەلىدەگى اقپاراتتا.
كونستانتين گوروۆەنكونىڭ جاسى – 44-تە. باپكەرلىك مانسابىن 2010 جىلى «سۇڭقار» فۋتبول كلۋبى باس باپكەرىنىڭ كومەكشىسى بولىپ باستاعان. اتالعان كلۋبتى ءۇش ماۋسىم جاتتىقتىرعان. بۇدان سوڭ «قايرات» كلۋبىنىڭ اكادەمياسىنا اۋىسىپ, «قايرات-1998» كومانداسىنىڭ باس باپكەرى بولدى.
ال, 2015 جىلى «قايرات» كومانداسى باس باپكەرىنىڭ كومەكشىسى رەتىندە تانىلعان. 2017 جىلى ءبىرىنشى ليگاداعى «قايرات ا» كومانداسىنا جەتەكشىلىك ەتىپ, العاشقى ماۋسىمدا چەمپيوناتتىڭ قولا جۇلدەسىن يەلەنگەن. 2018 جىلدىڭ قاڭتارىندا «جەتىسۋ-ب» كومانداسىنىڭ باس باپكەرلىگىنە تاعايىندالعان. 2020 جىلى «شاحتەر» كومانداسىن باپتاعان. 2021 جىلعى ماۋسىمدا ءبىرىنشى ليگادا وينايتىن «ماقتارالدىڭ» باس باپكەرى بولعان.
بۇعان دەيىن «اتىراۋ» فۋتبول كلۋبىنا ارام ۆوسكانيان جەتەكشىلىك ەتكەن ەدى.