2021 جىلعى قاڭتاردان قاراشاعا دەيىن كوپبالالى وتباسىلار بويىنشا مەملەكەتتىك جاردەماقى تولەمدەرىمەن جالپى سوماسى 261,7 ملرد تەڭگەگە 446,4 مىڭ وتباسى قامتىلدى, ونىڭ ىشىندە قاراشا ايىندا جاردەماقىنىڭ وسى ءتۇرىن جالپى سوماسى 26,6 ملرد تەڭگەگە 471,4 مىڭ وتباسى الدى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
ءتورت جانە ودان دا كوپ بىرگە تۇراتىن كامەلەتكە تولماعان بالالارى نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنتتەرى بار وتباسىلار تابىسىنا قاراماستان, مەملەكەتتىك جاردەماقىعا ۇمىتكەر بولا الادى.
تولەمدەردىڭ مولشەرى بالالار سانىنا بايلانىستى سارالانعان جانە 2021 جىلى 46 760 تەڭگەدەن (4 بالا), 58 457 تەڭگەدەن (5 بالا), 70 154 تەڭگەدەن (6 بالا), 81 852 تەڭگەدەن (7 بالا), 8 بالامەن - 93 344 تەڭگەدەن, 9 بالامەن - 105 012 تەڭگەدەن, 10 بالامەن - 116 680 تەڭگەدەن, 11 - 128 348 تەڭگەدەن, 12 - 140 016 تەڭگەدەن, 13-تەن - 151 684 تەڭگە, 14-تەن - 163 352 تەڭگە, 15-تەن - 175 020 تەڭگە, 16-دان - 186 688 تەڭگە نەمەسە ءار بالاعا 11 668 تەڭگە.
ەسكە سالا كەتسەك, كوپبالالى وتباسىلارعا ولاردىڭ تابىستارىن ەسەپكە الماي جاڭا مەملەكەتتىك جاردەماقى قازاقستاندا 2020 جىلعى 1 قاڭتاردان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن از قامتىلعان جانە كوپبالالى وتباسىلاردى قولداۋدىڭ ءۇش نەگىزگى باعىتى شەڭبەرىندە ەنگىزىلگەن بولاتىن.