سەنات توراعاسى ماۋلەن اشىمباەۆتىڭ توراعالىعىمەن بيۋرو وتىرىسى بولدى. وندا دەپۋتاتتار سەناتتىڭ 2021 جىلعى 20 جانە 23 جەلتوقساندا وتەتىن وتىرىستارىنىڭ كۇن ءتارتىبىن بەكىتتى, دەپ حابارلايدى Egemen.kz.
سەناتتىڭ 20 جەلتوقسانداعى وتىرىسىنىڭ كۇن تارتىبىنە تومەندەگى زاڭ جوبالارىن قاراۋعا ەنگىزۋ تۋرالى شەشىم قابىلداندى.
دەپۋتاتتار باستاماسى بويىنشا ازىرگەنگەن «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ جوباسى. ول ادام قۇقىقتارى جونىندەگى ۋاكىلدىڭ قۇقىقتىق مارتەبەسى مەن ونىڭ قىزمەتىنىڭ ۇيىمداستىرۋ نەگىزدەرىن دەربەس زاڭنامالىق اكتىدە بەكىتۋگە مۇمكىندىك بەرەدى. سونداي-اق ونىڭ وڭىرلىك وكىلدەرى قۇرىلاتىن بولادى, ومبۋدسمەننىڭ مەملەكەتتىك ورگاندارمەن, قوعامدىق جانە حالىقارالىق ۇيىمدارمەن ءوزارا ءىس-قيمىلى رەتتەلەدى.
سەناتورلار سونىمەن قاتار قۇجاتقا ىلەسپە ءۇش زاڭ جوباسىن قارايدى. ولار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنداعى ادام قۇقىقتارى جونىندەگى ۋاكىل قىزمەتىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) قازاقستان رەسپۋبليكاسىنداعى ادام قۇقىقتارى جونىندەگى ۋاكىل قىزمەتىنىڭ ماسەلەلەرى بويىنشا تولىقتىرۋ ەنگىزۋ تۋرالى» جانە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە قازاقستان رەسپۋبليكاسىنداعى ادام قۇقىقتارى جونىندەگى ۋاكىل قىزمەتىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» بولىپ وتىر.
20 جەلتوقساندا وتەتىن سەنات وتىرىسىنىڭ كۇن تارتىبىنە «ونەركاسىپتىك ساياسات تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ونەركاسىپتىك ساياسات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى دا ەنگىزىلدى.
ولار ونەركاسىپتىك-يننوۆاتسيالىق جوبالاردى قارجىلاندىرۋدى, وڭدەۋشى ونەركاسىپتەگى وتاندىق تاۋارلار مەن كورسەتىلەتىن قىزمەتتەرىنىڭ ەكسپورتىن دامىتۋ مەن ىلگەرىلەتۋدى جانە جالپى العاندا ەڭبەك ونىمدىلىگىن ارتتىرۋدى ىنتالاندىرۋدى قوسا العاندا, ونەركاسىپتى مەملەكەتتىك ىنتالاندىرۋدىڭ بىرقاتار ماڭىزدى شارالارىن بەلگىلەۋگە باعىتتالعان.
سونداي-اق, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ ورگاندارى, پروكۋراتۋرا جانە سوت اراسىندا وكىلەتتىكتەردىڭ جانە جاۋاپكەرشىلىك اياسىنىڭ اراجىگىن اجىراتا وتىرىپ, ءۇش بۋىندى مودەلدى ەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالاتىن بولادى.
23 جەلتوقسانداعى سەنات وتىرىسىنىڭ كۇن تارتىبىنە تاعى سەگىز زاڭ جوباسى ەنگىزىلدى.
يپوتەكالىق قارىز الۋشىلاردىڭ قۇقىقتارىن كۇشەيتۋگە, م ۇلىكتى باعالاۋ مەن ساتۋدىڭ اشىقتىعى مەن وبەكتيۆتىلىگىن ارتتىرۋعا باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ, ەكىنشى دەڭگەيدەگى بانكتەردىڭ كەپىلدىك ساياساتىن, باعالاۋ قىزمەتىن رەتتەۋدى جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»زاڭ جوباسى.
سونداي-اق سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە باسەكەلەستىكتى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى. ونىڭ نەگىزگى باعىتتارى كاسىپكەرلىككە مەملەكەتتىڭ قاتىسۋىن قىسقارتۋ, كاسىپكەرلىك سۋبەكتىلەرىنىڭ مەملەكەتتىك قولداۋ شارالارىنا جانە مەملەكەتتىك ورگانداردىڭ ساتىپ الۋلارىنا تەڭ قول جەتكىزۋىن قامتاماسىز ەتۋ بولىپ تابىلادى.
بۇدان باسقا, سەنات وتىرىسىنىڭ كۇن تارتىبىنە «جانۋارلارعا جاۋاپكەرشىلىكپەن قاراۋ تۋرالى» زاڭ جوبالارى جانە وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جانۋارلارعا جاۋاپكەرشىلىكپەن قاراۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە جانۋارلارعا جاۋاپكەرشىلىكپەن قاراۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ەكى زاڭ جوباسى ەنگىزىلدى. ولار جانۋارلاردى ۇستاۋ كەزىندە جالپى جانە ارنايى تالاپتاردى ورناتۋدى جانە ولاردى قاتىگەزدىكتەن, ازاپ پەن ولىمنەن قورعاۋدى قاراستىرادى.
سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءولىم جازاسىن جويۋ ماسەلەسى بويىنشا وزگەرىستەر مەن تولىقتىرۋ ەنگىزۋ تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋدا قىزمەتى, بيرجالىق ساۋدانى دامىتۋ جانە دەربەس دەرەكتەردى قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن قارايدى, جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەندىرۋ جانە قازاقستان رەسپۋبليكاسى ىشكى ىستەر ورگاندارىنىڭ جەكەلەگەن فۋنكتسيالارىن قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭدارىن باسشىلىققا الادى.
بۇدان باسقا, بيۋرو وتىرىسىندا سەناتتىڭ تۇراقتى كوميتەتتەرى اراسىندا ودان ءارى جۇمىس جۇرگىزۋ ءۇشىن زاڭ جوبالارى ءبولىندى.