رەسەي فەدەراتسياسىنىڭ 85 ايماعىندا كوروناۆيرۋس ينفەكتسياسىن جۇقتىرۋدىڭ ونداعان مىڭ جاعدايى انىقتالدى. وتكەن تاۋلىكتە 30 288 ادامدا ينفەكتسيا راستالدى دەپ مالىمدەدى ەلدىڭ ينفەكتسيامەن كۇرەس جونىندەگى جەدەل شتابى, دەپ جازادى Egemen.kz.
جاڭا جاعدايلاردىڭ ەڭ كوپ سانى ماسكەۋدە انىقتالدى – 3 140, سانكت-پەتەربۋرگتە – 2 045 جانە ماسكەۋ وبلىسىندا – 1 833. جالپى, پاندەميا باستالعاننان بەرى رەسەيدە COVID-19 جۇقتىرۋدىڭ 9 986 967 فاكتىسى تىركەلدى.
«ال, فرانتسيا covid-19 پاندەمياسىنىڭ بەسىنشى تولقىنىن وتكەرۋدە», دەدى پرەمەر-مينيستر جان كاستەكس.
سونىمەن قاتار دەنساۋلىق ساقتاۋ مينيسترلىگى اۋرۋحاناعا جاتقىزىلعانداردىڭ سانى وسى اپتانىڭ سوڭىندا جىلدام قارقىنمەن ءوسىپ جاتقانىن مالىمدەدى. COVID-19 پاتسيەنتتەرىنىڭ كۇندەلىكتى ءوسۋ كورسەتكىشى 61 340 قۇرادى جانە بۇل جاڭا انتيرەكورد.
قازىرگى ۋاقىتتا فرانتسيادا 52 189 810 ادام نەمەسە حالىقتىڭ 77,3% - ى ۆاكتسينانىڭ ءبىر كومپونەنتىمەن ەگىلدى, يممۋنداۋدىڭ تولىق كۋرسىنان وتكەندەر سانى 47 742 082, بۇل تۇرعىنداردىڭ 70,7 % قۇرايدى. رەۆاكتسيناتسيا اياسىندا 11 529 364 ەكپە جاسالدى.