ەل تاۋەلسىزدىگىنىڭ 30 جىلدىعى قارساڭىندا شىعىس قازاقستان وبلىسىنىڭ ورتالىعى وسكەمەندە ەڭسەلى مونۋمەنت اشىلدى, دەپ حابارلايدى Egemen.kz.
«تاۋەلسىزدىك مونۋمەنتى» قالانىڭ جاڭا 19 ىقشام اۋدانىنداعى قازىبەك بي داڭعىلىنىڭ باس جاعىنا ورناتىلدى.
تۇعىردىڭ باس جاعىندا «مىناۋ جەر وزدەرىڭە امانات» دەگەندەي كەرەي مەن جانىبەك تۇر. ءۇش بۇرىشىنا قارا قىلدى قاق جارعان ءۇش ءبيىمىز جايعاسىپتى. ەتەك جاعى با رەلەفتى كومپوزيتسيا. ورتاسىندا ەلباسى تۇر. قاپتال جاعىندا اباي, الاش ورداشىلار بەينەسى. وڭ جاعىندا قازاق حاندىعىنا بايلانىستى كومپوزيتسيا كەسكىندەلگەن.
كۇردەلى مۇسىندەردى جاساپ شىققان سەمەيلىك ءمۇسىنشى نۇربول قاليەۆ. ايتقانداي, مونۋمەنت «التاي اسۋ» قوعامدىق بىرلەستىگىنىڭ ۇيىتقى بولۋىمەن جاسالدى. ەڭسەلى ەسكەرتكىشتىڭ اشىلۋىنا ەلىمىزدىڭ پرەمەر ءمينيسترى اسقار مامين مەن وبلىس باسشىلىعى قاتىستى.