الماتىدا اباي مەن التىنسارين كوشەلەرىنىڭ قيىلىسىندا قاتتى جۇيتكىگەن كولىك جاياۋ جۇرگىنشى جولاعىندا ءوتىپ بارا جاتقان جىگىت پەن قىزدى قاعىپ ءوتتى. قاتتى سوققىدان قىز بالا وقيعا ورنىندا كوز جۇمدى, دەپ جازادى Egemen.kz.
كۋاگەرلەردىڭ ايتۋىنشا, Skoda Superb كولىگىنىڭ جۇرگىزۋشىسى بۇرىلىستان قاتتى جىلدامدىقپەن كەلىپ, اباي كوشەسىن قيىپ ءوتىپ بارا جاتقان جاس جۇپتى قاققان.
قاتتى سوققىدان قىز بالا 50 مەتر جەرگە دەيىن ۇشىپ كەتىپ, جەدەل جاردەم جەتكەنشە وقيعا ورنىندا كوز جۇمعان.
ال كولىك وقيعا ورنىنان جاسارىنىپ, توقتاماستان كەتىپ قالعان. تەك سايىن كوشەسىنە جەتكەندە كولىگىن تاستاپ, وقيعا ورنىنا جاياۋ كەلىپ, كىناسىن مويىنداعان.
وقيعا ورنىندا قازىر جول پوليتسياسى مەن تەرگەۋشىلەر جۇمىس ىستەپ جاتىر. ال جىگىت اۋىر جاعدايدا اۋرۋحاناعا جەتكىزىلدى.