جۇماداعى كۇن رايى قانداي بولادى؟

ء«الى دە, اۋقىمدى انتيتسيكلوننىڭ ىقپالىمەن رەسپۋبليكامىزدىڭ باسىم بولىگىندە جاۋىن-شاشىنسىز اۋا رايى بولادى, تەك قر باتىسىندا جاڭبىر مەن قار تۇرىندە جاۋىن-شاشىن جاۋادى. رەسپۋبليكا بويىنشا كەي جەرلەردە تۇمان ءتۇسىپ, كوكتايعاق بولادى, جەل كۇشەيىپ, قر باتىسىندا جاياۋ بۇرقاسىن, وڭتۇستىگىندە شاڭدى داۋىل سوعادى», دەلىنگەن «قازگيدرومەت» رمك حابارلاماسىندا.

جامبىل وبلىسىنىڭ سولتۇستىگىندە, تاۋلى جانە تاۋ بوكتەرلى اۋداندارىندا تۇمان ءتۇسىپ, وبلىستىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋدانداردا جەلدىڭ كۇشى 15-20, ەكپىنى 23-28 م/س جەتەدى.

تۇندە جانە تاڭەرتەڭ الماتى وبلىسىنىڭ وڭتۇستىگىندە تۇمان ءتۇسىپ, كۇندىز الاكول كولدەرىنىڭ اۋدانىندا جەل جىلدامدىعى 18-23 م/س جەتەدى.

تۇركىستان وبلىسىنىڭ وڭتۇستىگىندە, باتىسىندا جانە تاۋ بوكتەرلى اۋداندارىندا تۇمان ءتۇسىپ, وبلىستىڭ سولتۇستىگىندە جانە تاۋلى اۋداندارىندا جەل كۇشەيەدى.

باتىس قازاقستان وبلىسىنىڭ سولتۇستىگىندە, سولتۇستىك-باتىسىندا جاياۋ  بۇرقاسىن, كوكتايعاق بولادى.

اتىراۋ وبلىسىنىڭ سولتۇستىگىندە, شىعىس جانە ورتالىعىندا تۇمان ءتۇسىپ, كوكتايعاق بولادى, وبلىستىڭ سولتۇستىگىندە جەل جىلدامدىعى 15-20 م/س جەتەدى.

كۇندىز اقتوبە وبلىسىنىڭ باتىسىندا, وڭتۇستىك-باتىسىندا كوكتايعاق بولىپ, وبلىستىڭ وڭتۇستىك-باتىسىندا جانە ورتالىعىندا جەل تۇرادى.

ماڭعىستاۋ وبلىسىنىڭ باتىسىندا, سولتۇستىك-شىعىسىندا جەل بولادى.

قىزىلوردا وبلىسىنىڭ ورتالىعىندا جەل جىلدامدىعى 15-20 م/س جەتەدى.

اقمولا وبلىسىنىڭ سولتۇستىگىندە, شىعىسىندا, قوستاناي وبلىسىنىڭ سولتۇستىگىندە, قاراعاندى وبلىسىنىڭ سولتۇستىگىندە جانە وڭتۇستىگىندە, شىعىس قازاقستان وبلىسىنىڭ شىعىسىندا, تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان تۇسەدى.