30 مامىردان باستاپ جۇرتشىلىق كوڭىلىنەن شىققان زامانالىق “تۇلپار” پويىزى كوكشەتاۋ مەن الماتىنىڭ اراسىن جالعاستىراتىن بولدى. بۇل تۋرالى “قازاقستان تەمىر جولى” ۇلتتىق كومپانياسى” اق اقمولا جول بولىمشەسىنىڭ ديرەكتورى ۆياچەسلاۆ ميرونوۆ حابارلادى.
بۇل استانالىق وبلىس تۇرعىندارىن ايرىقشا قۋانىشقا بولەگەن وقيعا بولماق. ويتكەنى, بۇرىن وڭتۇستىك استاناعا جەتۋ وڭايعا تۇسپەيتىن. كوكشەتاۋدان تۇنگى 3-تە اتتاناتىن №16 “پەتروپاۆل-الماتى” جۇردەك پويىزى جولاۋشىلارعا قولايسىزدىق تۋعىزاتىنىن بىلاي قويعاندا, ول الماتىعا الىپ باراتىن جالعىز كولىك ەدى.
— ەندى بۇل پروبلەما وڭ شەشىمىن تابادى, — دەيدى ۆ.ميرونوۆ. جەرلەستەرىمىز جيىرما ۆاگوننان تۇراتىن, بارلىق قولايلى جاعدايلار قاراستىرىلعان “تۇلپار” پويىزىمەن الماتىعا نەبارى 15 ساعاتتا جەتىپ بارادى. ال, №16 جۇردەك پويىزى بۇل قاشىقتىققا ەكى ەسە ارتىق ۋاقىت جۇمسايتىن.
اقمولا تەمىر جول بولىمشەسىنىڭ باستىعى جولاۋشىلارعا ارنالعان تاعى ءبىر جاڭالىقتى جەتكىزدى. الداعى كەزدە الماتى باعىتىنا قوسىمشا ەكى پويىز جۇرەتىنى جوسپارلانىپتى.
باقبەرگەن امالبەك, اقمولا وبلىسى.