بۇگىن «بارىس» «سوچي» كومانداسىمەن كەزدەسەدى

كەزدەسۋ ەلوردا ۋاقىتىمەن ساعات 19:30-دا باستالىپ, Qazsport تەلەارناسىنان تىكەلەي ەفيردە كورسەتىلەدى. ەكى كوماندا بۇگىنگە دەيىن 42 مارتە شەبەرلىك بايقاستى.

ونىڭ 7-ءى «بارىستىڭ» باسىمدىعىمەن اياقتالسا, قالعانىندا رەسەيلىك كلۋبتىڭ مەرەيى ۇستەم بولدى. ەكى كوماندا اراسىنداعى سوڭعى التى كەزدەسۋدىڭ بارلىعىندا رەسەيلىك كلۋب جەڭىسكە جەتتى. «بارىستىڭ» بيىلعى ءتۋرنيردىڭ سوڭعى التى كەزدەسۋىنىڭ تورتەۋىندە جولى بولدى, قالعانىندا قارسىلاستارىنا ەسە جىبەرىپ قويدى.

ال «سوچي» سوڭعى التى كەزدەسۋدىڭ تورتەۋىندە قارسىلاسىن تىزە بۇكتىردى.

ەسكە سالساق, «بارىس» بۇدان بۇرىن رەسەيدە «اك بارس» (قازان) كومانداسىنان باسىم ءتۇستى. ال «سوچي» سىرت ايدىندا رەسەيدىڭ «سالاۆات يۋلاەۆ» (ۋفا) كومانداسىنا ەسە جىبەردى.

قازىر «بارىس» 36 ويىننان كەيىن 34 ۇپايمەن تۋرنير كەستەسىندە 20-ورىندا كەلەدى. ال «سوچي» 34 ۇپايمەن 19-ورىندا تۇر.