بۇگىنگى ۇكىمەت وتىرىسى اياسىندا قر ۇلتتىق بانكىنىڭ توراعاسى ەربولات دوساەۆ 2022 جىلى يمپورتتىڭ ۇلعايۋىنا قاتىستى تۇسىنىكتەمە بەردى, دەپ حابارلايدى Egemen.kz.
«تولەم بالانسى ءادىسناماسى بويىنشا تاۋارلار يمپورتى حالىق پەن بيزنەس تاراپىنان سۇرانىستىڭ ءوسۋى, سونداي-اق مەملەكەتتىك باعدارلامالار مەن باستامالاردى ىسكە اسىرۋ ەسەبىنەن 6,8%-عا, ياعني 40,9 ملرد اقش دوللارىنا دەيىن ۇلعايادى», دەدى ەربولات دوساەۆ ۇكىمەت وتىرىسىندا.
ونىڭ ايتۋىنشا, شەتەلدىك تىكەلەي ينۆەستورلار كىرىستەرىنىڭ 4,0%-عا وسۋىنە بايلانىستى مۇناي مەن مەتالل ءوندىرىسىنىڭ جوعارى باعالارى مەن كولەمدەرىنە بايلانىستى كىرىستەر بالانسىنىڭ تاپشىلىعى 4,6%-عا, ياعني 24,5 ملرد اقش دوللارىنا دەيىن ارتادى.
«وسىلايشا, ەنەرگيا رەسۋرستارىنا باعانىڭ وسۋىنە بايلانىستى اعىمداعى شوتتىڭ جاقسارۋى يمپورت بويىنشا كەيىنگە قالدىرىلعان سۇرانىستى ىسكە اسىرۋ تاراپىنان دا, سونداي-اق شەتەلدىك ينۆەستورلارعا تولەمدەردىڭ ءوسۋى تاراپىنان دا قىسىممەن تەجەلەدى. بۇل ءوز كەزەگىندە ۆاليۋتا نارىعىنا قوسىمشا قىسىم جاسايدى», دەپ تۇيىندەدى ۇلتتىق بانك توراعاسى.