الماتى-وسكەمەن تاسجولىندا جانتۇرشىگەرلىك كولىك اپاتىنان ءبىر ادام مەرت بولدى. تاعى ءبىر ادام ءتۇرلى دەنە جاراقاتىمەن اۋرۋحاناعا ءتۇستى, دەپ حابارلايدى Egemen.kz.
الماتى وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقيعا 7-جەلتوقسان كۇنى تۇنگى ساعات 23:00 شاماسىندا بولعان.
الماتى-وسكەمەن تاسجولىنىڭ 71-شاقىرىمىندا «Mercedes-Benz 814» كولىگى سولتۇستىك باعىتپەن كەلە جاتىپ, باعدارشامدا تۇرعان «Toyota Caldina» كولىگىنە سوعىلعان. سالدارىنان «Toyota Caldina» كولىگىنىڭ جولاۋشىسى وقيعا ورنىندا مەرت بولدى. ءدال وسى كولىكتىڭ 39 جاستاعى جۇرگىزۋشىسى ءتۇرلى دەنە جاراقاتىمەن اۋرۋحاناعا ءتۇستى.
«قازىر اتالعان فاكتى بويىنشا قر قك 345 بابى 3-بولىگىنە سايكەس تەرگەۋ باستالدى. قاجەتتى ساراپتامالار تاعايىندالدى», دەپ تولىقتىردى اتالعان ۆەدومستۆونىڭ ءباسپاسوز قىزمەتىنەن.
ۆەدومستۆونىڭ اقپاراتىنا سايكەس, «Toyota Caldina» كولىگى توقتاۋعا رۇقسات ەتىلمەگەن جەردە تۇرعان.