قازاقستان پرەمەر-ءمينيسترى اسقار مامين حالىقارالىق بوكس فەدەرەاتسياسىنىڭ پرەزيدەنتى (AIBA) ۋمار كرەمليوۆ پەن قازاقستان بوكس فەدەراتسياسىنىڭ پرەزيدەنتى كەڭەس راقىشەۆپەن كەزدەستى.
جوعارى دارەجەدە وتكەن كەزدەسۋدە تاراپتار قازاقستان بوكسىنىڭ دامۋىنا جان-جاقتى توقتالدى. ماڭىزدى ماسەلەلەردىڭ ءبىرى رەتىندە مەكتەپتەر مەن جوعارى وقۋ ورىندارىندا بوكس سپورتىن دامىتۋ جايى تالقىلاندى.
سونىمەن قاتار AIBA-نىڭ باسشىسى قازاقستانعا ساپارى اياسىندا جاس بوكسشىلارمەن جاتتىعۋ وتكىزدى. ەلورداداعى «بوكس ورتالىعىندا» وتكەن ءىس-شارا ۋمار ءنازاروۆيچتىڭ العى سوزىمەن باستالىپ, ارتىنشا جاتتىعۋعا ۇلاستى. نۇر-سۇلتان قالاسىنىڭ اعا جاتتىقتىرۋشىسى اسقار ەركەباەۆ وتكىزگەن جاتتىعۋعا جۇزدەن اسا سپورتشى قاتىستى.
AIBA پرەزيدەنتى قازاقستاندا ءوسىپ كەلە جاتقان جاس بۋىن بوكسشىلاردىڭ قابىلەتىنە تاڭدانىسىن جاسىرمادى.
– قازاقستان – بوكس دەرجاۆاسى. ونى جاقىندا سەربيادا وتكەن الەم چەمپيوناتىنان بايقاۋعا بولادى. مەن مۇندا بوكسشىلاردىڭ قالاي دايىندالىپ جاتقانىن, جاتتىقتىرۋشىلار قالاي جۇمىس ىستەپ جاتقانىن كورۋ ءۇشىن كەلدىم. قازىرگى ۋاقىتتا AIBA تاراپىنان تورەشىلىككە قاتىستى رەفورمالار جۇرگىزىلىپ جاتىر جانە ءبىز ءبىرىنشى كەزەكتە بوكستىڭ ادال جانە اشىق بولعانىن قالايمىز, – دەدى ۋمار كرەم- ليوۆ.