جاقىندا 2016 جىلى فرانتسيادا وتەتىن ەۋروپا چەمپيوناتى ىرىكتەۋ ءتۋرنيرىنىڭ جەرەبە تارتۋ ءراسىمى ءوتتى. بۇل تۋرالى قازاقستان فۋتبول فەدەراتسياسى حابارلادى.
شارادا 53 ەلدىڭ ۇلتتىق قۇراماسى 9 توپقا ءبولىنىپ, قارسىلاستارىن انىقتادى.جەرەبەنىڭ قورىتىندىسى بويىنشا 8 توپتا 6 قۇراما, 1 توپتا 5 ەلدىڭ كومانداسى ونەر كورسەتەتىنى بەلگىلى بولدى. ەندى ىرىكتەۋدىڭ جاڭا شارتىنا سايكەس ءار توپتان العاشقى ەكى ورىندى العان قۇرامالار تىكەلەي ەۋرو دوداسىنا جولداما الادى. سونداي-اق, ءوز توپتارىندا ءۇشىنشى ورىندى يەلەنىپ, جوعارى ۇپاي العان كوماندالار دا ەۋروپا چەمپيوناتىنا قاتىسۋ مۇمكىندىگىنە يە بولادى. ال قالعان ءۇشىنشى ورىن يەلەنگەن 8 ەل ءوزارا مىقتىنى انىقتايتىن بولادى. جالپى, ەۋرو جارىسىنا 24 ەلدىڭ ۇلتتىق قۇراماسى قاتىسادى. ەسكەرتە كەتەتىن نارسە, فرانتسيا الاڭ يەسى رەتىندە ىرىكتەۋگە قاتىسپايدى. ال قالعان قۇرامالار مىناداي توپتارعا ءبولىندى:
«ا» توبى.
گوللانديا, قازاقستان, يسلانديا, لاتۆيا, تۇركيا, چەحيا.
«ۆ»توبى.
بوسنيا جانە گەرتسەگوۆينا, اندوررا, كيپر, ۋەلس, يزرايل, بەلگيا.
«س»توبى.
يسپانيا, ليۋكسەمبۋرگ, ماكەدونيا, بەلارۋس, سلوۆاكيا, ۋكراينا.
«D»توبى.
گەرمانيا, گيبرالتار, گرۋزيا, شوتلانديا, پولشا, يرلانديا
«ە»توبى.
انگليا, سان-مارينو, ليتۆا, ەستونيا, سلوۆەنيا,شۆەيتساريا.
«ع»توبى.
گرەكيا, فارەرارالى, سولتۇستىك يرلانديا, فينليانديا, رۋمىنيا, ۆەنگريا.
«G» توبى.
رەسەي, ليحتەنشتەين,مولداوۆا, چەرنوگوريا, اۆستريا, شۆەتسيا.
«ن» توبى.
يتاليا, مالتا, ازەربايجان, ارمەنيا, نورۆەگيا, حورۆاتيا.
«I» توبى.
پورتۋگاليا, البانيا, بولگاريا, سەربيا, دانيا.
داستان كەنجالين.
دەرەككوز: www.kff.kz.
فوتو: www.kff.kz.