قىتايدىڭ پوليتسيا قىزمەتكەرلەرى ەلدەگى 27 پروۆينتسيا مەن اۆتونوميالىق اۋدانداردا بالا ساۋداسىمەن اينالىستى دەگەن كۇدىكپەن مىڭنان اسا ادامدى تۇتقىندادى. بۇل تۋرالى ريا «نوۆوستي» حابارلادى.
وتكەن جىل سوڭىندا پەكين مەن تسزيانسۋ پروۆينتسياسىنىڭ پوليتسەيلەرى جاڭا تۋعان نارەستەلەر مەن مەكتەپ جاسىنا دەيىنگى بالالاردى اسىراپ الۋ قىزمەتىن ۇسىنعان ءتورت بىردەي ينتەرنەت سايتتى تەكسەرگەن بولاتىن.
قۇقىق قورعاۋ قىزمەتكەرلەرى جۇرگىزگەن جەدەل ىزدەستىرۋ شاراسى بارىسىندا ينتەرنەت ارقىلى بۇلدىرشىندەردى ساۋداعا سالعان دەگەن كۇدىكپەن 1094 ادام قاماۋعا الىنىپ, قاسكويلەردىڭ قولىندا بولعان 382 بالا قۇتقارىلدى.
قىتاي قوعامدىق قاۋىپسىزدىك مينيسترلىگى حابارلاعانداي, قازىر ۇستالعان كۇدىكتىلەردىڭ ۇستىنەن قىلمىستىق ءىس قوزعالدى.
ايدار ورىسباەۆ.
دەرەككوز: Ria.ru.
فوتو: Reuters.com.