2013 جىلعى 29 قاراشا استان قالاسى
قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ مەملەكەتتىك قىزمەتشىلەر قىزمەت ەتيكاسىنىڭ قاعيدالارىن بەكىتۋ تۋرالى
«قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ 2-تارماعىنا سايكەس بۇيىرامىن:
1. قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ مەملەكەتتىك قىزمەتشىلەر قىزمەت ەتيكاسىنىڭ قاعيدالارى بەكىتىلسىن.
2. قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ مەملەكەتتىك قىزمەتشىلەرى وزدەرىنىڭ قىزمەتتىك مىندەتتەرىن ورىنداۋ كەزىندە وسى قاعيدالاردى باسشىلىققا السىن.
3. اكىمشىلىك-كادرلىق جۇمىس دەپارتامەنتى:
1) وسى بۇيرىقتى مەملەكەتتىك تىركەۋدى;
2) وسى بۇيرىقتى مەملەكەتتىك تىركەۋدەن كەيىن ونى رەسمي جاريالاۋدى;
3) وسى بۇيرىقتى قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ جاۋاپتى حاتشىسى ا.گ.دەرنوۆويعا جۇكتەلسىن.
5. وسى بۇيرىق ونىڭ العاش رەت رەسمي جاريالانعان كۇنىنەن باستاپ ون كۇن وتكەننەن كەيىن قولدانىسقا ەنگىزىلەدى.
مينيستر ن.قاپپاروۆ.
قازاقستان رەسپۋبليكاسى قورشاعان ورتا جانە سۋ رەسۋرستارى ءمينيسترىنىڭ 2013 جىلعى 29 قاراشاداعى №368-ءو بۇيرىعىمەن بەكىتىلگەن
قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ مەملەكەتتىك قىزمەتشىلەر قىزمەت ەتيكاسىنىڭ قاعيدالارى
ءى. جالپى ەرەجەلەر
1. وسى قازاقستان رەسپۋبليكاسى قورشاعان ورتا جانە سۋ رەسۋرستارى قورعاۋ مينيسترلىگىنىڭ مەملەكەتتىك قىزمەتشىلەر قىزمەت ەتيكاسىنىڭ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 1999 جىلعى 23 شىلدەدەگى № 453-ءى «مەملەكەتتىك قىزمەت تۋرالى» زاڭىنا, قازاقستان رەسپۋبليكاسىنىڭ 1998 جىلعى 2 شىلدەدەگى № 267-ءى «سىبايلاس جەمقورلىققا قارسى كۇرەس تۋرالى» زاڭىنا, قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» جارلىعىنا (بۇدان ءارى – كودەكس) سايكەس ازىرلەنگەن.
2. قاعيدالار قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگى (بۇدان ءارى – مينيسترلىك), ونىڭ ۆەدومستۆولارى جانە ۆەدومستۆولارىنىڭ اۋماقتىق ورگاندارى مەملەكەتتىك قىزمەتشىلەرىنىڭ مىنەز-قۇلقىنىڭ نەگىزگى ستاندارتتارىن بەلگىلەيدى.
3. مينيسترلىكتىڭ مەملەكەتتىك قىزمەتشىلەرى:
1) زاڭدىلىق قاعيداسىن, قازاقستان رەسپۋبليكاسى كونستيتۋتسياسىنىڭ, زاڭدارى مەن وزگە دە نورماتيۆتىك قۇقىقتىق اكتىلەرىنىڭ تالاپتارىن باسشىلىققا الۋعا;
2) تەگiنە, الەۋمەتتiك, لاۋازىمدىق جانە مۇلiكتiك جاعدايىنا, جىنىسىنا, ناسiلiنە, ۇلتىنا, تىلىنە, دiنگە كوزقاراسىنا, نانىمىنا, تۇرعىلىقتى جەرiنە بايلانىستى نەمەسە كەز كەلگەن وزگە جاعداياتتارعا قاراماستان ادامنىڭ جانە ازاماتتىڭ ار-نامىسىن قۇرمەتتەۋگە;
3) قازاقستان حالقىنىڭ بىرلىگى مەن ەلدەگى ۇلتارالىق كەلىسىمدى نىعايتۋعا ىقپال ەتۋگە, مەملەكەتتىك تىلگە جانە باسقا تىلدەرگە, قازاقستان حالقىنىڭ سالت-داستۇرلەرىنە قۇرمەتپەن قاراۋعا;
4) ادال, ءادىل, قاراپايىم بولۋعا, جالپى قابىلدانعان مورالدىق-ەتيكالىق نورمالاردى ساقتاۋعا, ازاماتتارمەن جانە ارىپتەستەرىمەن قارىم-قاتىناستا سىپايىلىق پەن ادەپتىلىك تانىتۋعا;
5) لاۋازىمدىق مىندەتتەرىن اتقارۋ كەزىندە باسقا تۇلعالارعا شىدامدىلىق, سىپايىلىق جانە قۇرمەت كورسەتۋگە;
6) ستراتەگيالىق ماقساتتار مەن مىندەتتەرگە قول جەتكىزۋدە ۇجىمدا ىنتىماقتاستىقتى ورناتۋعا ىقپال ەتۋگە;
7) مەملەكەتتىك مەنشىكتىڭ ساقتالۋىن قامتاماسىز ەتۋگە, وزىنە سەنىپ تاپسىرىلعان مەملەكەتتىك مەنشىكتى, اۆتوكولىك قۇرالدارىن قوسا العاندا, ۇتىمدى ءارى ءتيىمدى جانە تەك قىزمەتتىك ماقساتتا پايدالانۋعا;
8) ءوزىنىڭ ءىس-ارەكەتتەرىمەن قوعام تاراپىنان نەگىزدى سىنعا سەبەپكەر بولماۋعا, سىناعانى ءۇشىن قۋدالاۋعا جول بەرمەۋگە, ورىندى سىندى كەمشىلىكتەردى جويۋ مەن ءوزىنىڭ قىزمەتىن جاقسارتۋ ءۇشىن پايدالانۋعا;
9) لاۋازىمدىق مىندەتتەرىن ءتيىمدى اتقارۋ ءۇشىن كاسىبي دەڭگەيىن جانە بىلىكتىلىگىن ارتتىرۋعا;
10) قىزمەتتىك سۋبورديناتسيانى ساقتاۋعا;
11) جۇمىس ۋاقىتىن ۇتىمدى پايدالانۋعا جانە باسقا مەملەكەتتىك قىزمەتشىلەرگە ۇجىمدا وزدەرىنىڭ قىزمەتتىك مىندەتتەمەلەرىن ورىنداۋعا كەدەرگى كەلتىرەتىن ارەكەتتەردەن اۋلاق بولۋعا;
12) ءوزىنىڭ قىزمەتتىك مىندەتتەرىن ادال, تۋراشىل جانە ساپالى اتقارۋعا;
13) ادال بولۋعا, ءوزىنىڭ كاسىبي قىزمەتىنە ەشكىمنىڭ, ونىڭ ىشىندە تۋىستارىنىڭ, دوستارىنىڭ جانە تانىستارىنىڭ, اسەر ەتۋىنە جول بەرمەۋگە;
14) قازاقستان رەسپۋبليكاسىنىڭ مەملەكەتتىك رامىزدەرىن سىيلاۋعا جانە قۇرمەتتەۋگە;
15) مۇددەلەر قاقتىعىسىنىڭ الدىن الۋعا جانە ونى رەتتەۋ شارالارىن قولدانۋعا;
16) وزدەرىنىڭ فۋنكتسيالارى مەن مىندەتتەرىن ورىنداۋ كەزىندەگى مەملەكەتتىك قىزمەتشىلەردىڭ باستاماشىلىعىن قولداۋعا;
17) قاراماعىنداعى قىزمەتشىلەردىڭ اتقاراتىن لاۋازىمىنا سايكەس مىندەتتەرى مەن قىزمەتتىك وكىلەتتىكتەرىن ناقتى انىقتاۋعا, ولاردان ناقتى ورىنداۋ مۇمكىن ەمەس جارلىقتاردى بەرمەۋگە;
18) وسى قاعيدات تالاپتارىن بۇزۋ فاكتىلەرىنە قاعيداتتى اسەر ەتۋگە, كىنالىلەردىڭ جاۋاپكەرشىلىگىمەن قاتار, ءوزىنىڭ جەكە جاۋاپكەرشىلىگى تۋرالى ماسەلەنى قاتار قويۋعا دايىن بولۋعا ءتيىس.
4. مينيسترلىكتىڭ مەملەكەتتىك قىزمەتشىسى كودەكسپەن بەلگىلەنگەن سىبايلاس جەمقورلىققا قارسى مىنەز-ق ۇلىقتى ساقتاۋى ءتيىس.
مينيسترلىكتىڭ مەملەكەتتىك قىزمەتشىلەرى, ەگەر سىبايلاس جەمقورلىق قۇقىق بۇزۋشىلىقپەن نەمەسە ولاردىڭ ءوز قىزمەتتىك مىندەتتەرىن ورىنداۋ بارىسىندا سىبايلاس جەمقورلىققا جاعداي تۋدىرۋمەن بايلانىستى قۇقىق بۇزۋشىلىقتار تۋرالى انىق اقپاراتى بولسا, مەملەكەتتىك قىزمەت سالاسى جانە سىبايلاس جەمقورلىققا قارسى كۇرەس تۋرالى زاڭنامامەن بەلگىلەنگەن شارالاردى قابىلداۋى قاجەت.
5. مينيسترلىكتىڭ مەملەكەتتىك قىزمەتشىلەرى مەملەكەتتىك ساياسات جانە قىزمەتتىك ءىسىنىڭ ماسەلەلەرى جونىندەگى ءوز پىكىرىن, ەگەر ول:
1) مەملەكەت ساياساتىنىڭ نەگىزگى باعىتتارىنا سايكەس كەلمەسە;
2) جاريالاۋعا رۇقسات ەتىلمەگەن قىزمەتتىك اقپاراتتى اشاتىن بولسا;
3) مەملەكەتتىڭ لاۋازىمدى تۇلعالارىنىڭ, مەملەكەتتىك باسقارۋ ورگاندارىنىڭ, باسقا دا مەملەكەتتىك قىزمەتشىلەردىڭ اتىنا ادەپكە ساي ەمەس سوزدەر ايتۋدان تۇرسا, كوپشىلىك الدىندا بىلدىرۋىنە بولمايدى.
مينيسترلىكتىڭ مەملەكەتتىك قىزمەتشىلەرى قىزمەتتەن تىس ۋاقىتتا:
1) جالپى قابىلدانعان مورالدىق-ەتيكالىق نورمالاردى ۇستانۋعا, قوعامعا جات مىنەز-ق ۇلىق جاعدايلارىنا جول بەرمەۋگە;
2) قوعام تاراپىنان نەگىزدى سىنعا سەبەپ تۋعىزاتىن ءىس-ارەكەتتەرگە جول بەرمەۋگە, وزدەرىنىڭ بەدەلىنە نۇقسان كەلتىرەتىن قىلىقتاردان اۋلاق بولۋعا;
3) مينيسترلىك قىزمەتشىسىنىڭ جوعارى اتاعىنىڭ ابىرويىن تومەندەتەتىن كەز كەلگەن جەكە بايلانىستاردان باس تارتۋى ءتيىس.
6. وسى قاعيداتتارمەن كوزدەلگەن تالاپتاردى ورىنداماعانى نەمەسە بۇزعانى مينيسترلىكتىڭ مەملەكەتتىك قىزمەتشىلەرى قازاقستان رەسپۋبليكاسىنىڭ زاڭنامالارىمەن بەلگىلەنگەن تارتىپتە جاۋاپكەرشىلىككە تارتىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 30 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9050 بولىپ ەنگىزىلدى.