ەكىنشى ورتا سالماقتاعى الەمنىڭ ءابسوليۋتتى چەمپيونى ساۋل الۆارەس ءبىرىنشى اۋىر سالماقتاعى WBC تۇجىرىمى بويىنشا الەم چەمپيونى يلۋنگو ماكابۋمەن جۇدىرىقتاسۋعا نيەتتى ەكەنى بەلگىلى. بوكسشىنىڭ ءوزى بۇل شايقاسقا قانداي سالماقپەن شىعۋدى جوسپارلاپ وتىرعانى تۋرالى ويىمەن ءبولىستى, دەپ حابارلايدى Egemen.kz.
البەتتە الدىمەن ماكابۋ مىندەتتى قارسىلاسى تابيسيو مچۋنۋدى جەڭۋى كەرەك. الۆارەستىڭ بەسىنشى سالماقتا توپ جارۋعا دەگەن تالپىنىسى سودان كەيىن عانا مۇمكىن بولماق. الايدا مەكسيكالىق ساڭلاق ماكابۋمەن شايقاسقا قاي سالماقتا شىققىسى كەلەتىنىن جايىپ سالىپتى.
«ساۋل الۆارەس ماكابۋمەن جەكپە-جەك ۇيىمداستىرىلسا 180 فۋنت سالماقپەن رينگكە كوتەرىلۋگە ءازىر ەكەنىن جەتكىزدى», دەدى WBC پرەزيدەنتى ماۋريسيو سۋلەيمەن.
ەستەرىڭىزگە سالا كەتەيىك, ءبىرىنشى اۋىر سالماقتىڭ ءليميتى 200 فۋنت. ال «كانەلو» بەلگىلەنگەن ليميتتەن توعىز كيلو جەڭىل سالماقپەن رينگكە كوتەرىلىپ, ءوزىن سىناپ كورۋگە بەلسەنىپ وتىر. بۇل الۆارەستىڭ ءبىرىنشى اۋىر سالماققا ءبىر عانا جەكپە-جەك ءۇشىن كوتەرىلەتىنىن ايعاقتاي تۇسەدى.