قىزىلوردا قالاسىندا جەڭىل كولىك دارياعا ءتۇسىپ كەتتى, دەپ حابارلايدى Egemen.kz.
وقيعا وبلىس ورتالىعىنداعى «ريسماش» اۋماعىندا تۇنگى ساعات 03:54 شاماسىندا بولعان. وبلىستىق توتەنشە جاعدايلار دەپارتامەنتىنە دارياعا «Daewoo Nexia» اۆتوكولىك ءتۇسىپ كەتكەنى تۋرالى ايتىلعان.
«كولىكتىڭ ىشىندە ەكى ادام بولعان. ونىڭ بىرەۋى - 1994 جىلعى ازامات ءوز كۇشىمەن جاعاعا شىققان. سول جاستاعى تاعى ءبىر ازامات كولىكتىڭ ىشىندە قالىپ قويعان. وقيعا ورنىنا جەدەل-قۇتقارۋ جاساعىنان 1 تەحنيكامەن 5 ادام باردى», دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا. ۆەدومستۆو مالىمەتىنشە, قۇتقارۋشىلار 04.20-دا سۋ استى ىزدەستىرۋ جۇمىستارىن باستادى. ازىرگە ناتيجە جوق.