الماتىدا «ماڭگىلىك ەل» يدەياسى – جاستاردىڭ جارقىن بولاشاعى» اتتى جاستاردىڭ رەسپۋبليكالىق پاتريوتتىق فورۋمى ءوتتى. ونى قازاق مەملەكەتتىك قىزدار پەداگوگيكالىق ۋنيۆەرسيتەتى مەن «جاس وتان» جاستار قاناتىنىڭ الماتى قالالىق فيليالى ۇيىمداستىردى.
فورۋمعا «نۇر وتان» پارتياسى الماتى قالالىق فيليالى توراعاسىنىڭ ءبىرىنشى ورىنباسارى كەنجەحان ماتىجانوۆ, ەڭبەك ەرى اياگۇل ميرازوۆا, «جاس وتان» جق الماتى قالالىق فيليالىنىڭ اتقارۋشى حاتشىسى ارمان حالبەكوۆ, الماتى قالالىق جاستار ساياساتى جونىندەگى باسقارمانىڭ وكىلدەرى مەن رەسپۋبليكانىڭ ءار ايماعىنان كەلگەن جوعارى وقۋ ورىندارىنىڭ بەلسەندى ستۋدەنتتەرى قاتىستى. جاستار «ماڭگىلىك ەل» يدەياسى – قازاقستاندىق ءپاتريوتيزمنىڭ تۇپقازىعى», «ينتەللەكتۋالدى ۇلت – ەل ەرتەڭى», «قازاقستان-2050 ستراتەگياسى جاستاردىڭ كوزىمەن» سەكىلدى بىرنەشە تاقىرىپتى تالقىلاپ, وي-پىكىرلەرىمەن ءبولىستى. «پرەزيدەنت نۇرسۇلتان نازارباەۆ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋىندا جاستارعا ۇلكەن سەنىم ارتادى. ەلباسى جولداۋدا كوپتەگەن مىندەت-تاپسىرمالارمەن قاتار, جاسىل ەكونوميكانى, يننوۆاتسيانى دامىتىپ, عىلىمعا نەگىزدەلگەن ەكونوميكا قۇرۋدى جۇكتەدى. وسى مىندەتتىڭ ىسكە اسۋىنا جاستار دا اتسالىسۋى كەرەك», – دەيدى فورۋم دەلەگاتتارى.
فورۋم سوڭىندا رەسپۋبليكانىڭ ءار وڭىرىنەن كەلگەن جاستار قىزدار ۋنيۆەرسيتەتىنىڭ «اقتۇمار» مۇراجايى مەن «ماڭگىلىك ەل» كورمەسىن تاماشالادى.
«بىزدەر, قازاق ەلىنىڭ جاستارى, ءبىلىمدى دە العىر بولۋىمىز قاجەت. ەل ەرتەڭى جاستاردىڭ قولىندا. ەلباسى ايتقانداي, «ەركىن ەلدە وسكەن ۇرپاقتىڭ رۋحى ءاردايىم بيىك بولۋى ءتيىس. جاستارى جالىن جۇرەكتى, ءورشىل نامىستى, بيىك رۋحتى بولسا, ول ەلدىڭ ەڭسەسى دە بيىك بولادى», – دەگەن «جاس وتان» جق الماتى قالالىق فيليالىنىڭ اتقارۋشى حاتشىسى ارمان حالبەكوۆ جاستاردى ۇلتجاندى بولۋعا شاقىردى.
ايدار ورىسباەۆ,
«ەگەمەن قازاقستان».
الماتى.