بابالار اڭساعان اسىل ارمان

ماڭعىستاۋ وڭىرىنە استانادان ارنايى توپ كەلدى. ءتۇرلى مينيسترلىكتەردىڭ وكىلدەرىنەن قۇرالعان توپتىڭ ماقساتى – مەملەكەت باسشىسىنىڭ بيىلعى جولداۋىن ناسيحاتتاۋ, ءتۇسىندىرۋ جانە وسى ورايدا ءوز سالالارىندا اتقارىلۋعا ءتيىس جۇمىستار مەن جوسپارلار جايلى قۇلاعدار ەتۋ. قازاقستان رەسپۋبليكاسى ءدىن ىستەرى اگەنتتىگىنىڭ توراعاسى م.ءازىل­حانوۆ باستاعان دەلەگاتسيا اق­تاۋ­عا كەلىسىمەن ءوزارا ءبولىنىپ, ماڭ­عىس­تاۋ وبلىسىنىڭ ماڭعىستاۋ, قاراقيا جانە مۇنايلى اۋدان­دارىنىڭ اۋىلدارىن ارالاپ, جۇرت­شىلىقپەن كەزدەستى. مۇ­ناي­لىداعى «قازاقستان تەمىر جولى» اق, قا­راقياداعى «ەرساي» جشس, اق­تاۋ قالاسىنداعى «قازاقتەلەكوم» اق, اقتاۋ حالىقارالىق تەڭىز-ساۋ­دا پورتى, ش.ەسەنوۆ اتىنداعى كمتجيۋ ۇجىمى, ءبىلىم بەرۋ سالا­سى قىزمەتكەرلەرىمەن كەز­دەسىپ, جول­داۋ جايلى وي ءوربىتتى, «ءماڭ­گىلىك ەل» يدەياسىنىڭ نەگى­زىن ءتۇسىنىپ, ءومىر­شەڭ­دىگى ءۇشىن اتسا­لىسۋعا ءاربىر قازاقتىڭ اتسالىسۋى ءتيىس ەكەنىن ايتتى. – جىل سايىنعى جولداۋلاردىڭ ارقايسىسىنىڭ ءوزىنىڭ ارقالاعان جۇگى مەن جاۋاپكەرشىلىگى بار. تاۋەل­سىز ەلىمىزدىڭ بەرىك بولاشاعى ءۇشىن جاسالۋى ءتيىس جۇمىستاردى اي­قىن كورسەتىپ, قاداۋ-قاداۋ تاپ­سىر­مالاردى ەكشەپ بەرەتىن بۇل قۇ­جات­تار – ءبىزدىڭ ەگەمەن ەلى­مىز­دى كەلەشەككە باستاپ كەلەدى. ەكو­نوميكالىق-الەۋمەتتىك تۇرعىداعى باسىم باعىتتار مەن باعدارلاردى, ءتۇرلى قولداۋلاردى ايتپاعاندا, بيىلعى جولداۋدىڭ ەڭ باستى  ەرەكشەلىگى – «ماڭگىلىك ەل» يدەيا­سى­نىڭ ۇسىنىلۋى بولدى. بۇل ءبىز­دەردىڭ بابالارىمىز اڭساعان ارمان, يدەيا ءبىزدىڭ زامانىمىزدا ايتىلدى, قىزىعىن كورەتىن بولاشاق ۇرپاق. ەلباسى جولداۋىنىڭ ماق­ساتى بۇگىندى عانا ەمەس, بولا­شاق­تى باعامداۋعا, كۇنىنە مىڭ ءتۇرلى قۇبىلىپ, كۇتپەگەن جاڭا­لىق­تار مەن وزگەرىستەر تۋىنداپ جاتقان الەم ەلدەرى اراسىنان ءوز ورنىمىزدى ويىپ تۇرىپ الۋعا ۇمتىلدىرادى, – دەگەن ەلىمىزدىڭ ءبىلىم جانە عىلىم ۆيتسە-ءمينيسترى ت.بالىقباەۆ اقتاۋداعى ش.ەسەنوۆ اتىنداعى كمتجيۋ ستۋدەنتتەرى مەن وقىتۋشىلىق-پروفەسسورلىق قۇرامى الدىندا مينيسترلىكتىڭ جولداۋدى جۇزەگە اسىرۋ باعى­تىنداعى جۇمىستارى تۋرالى اڭگىمەلەدى. دەلەگاتسيا باسشىسى م.ءازىلحانوۆ وبلىستاعى بەكەت اتا مەشىتىندە, ورىس پراۆوسلاۆيە شىركەۋىندە بولىپ, ايماقتاعى بىرقاتار باسقارمالار باسشىلارىمەن جۇزدەستى. وڭىردە تەولوگ مامانداردىڭ جەتىسپەيتىندىگىن ءبىلىپ, حالىققا ءدىني ناسيحات ءجۇر­گىزۋدەگى مولدالاردىڭ جاۋاپ­كەرشىلىگى تۋرالى ايتقان اگەنتتىك باسشىسى ايماقتاعى ءدىني احۋالدى تۇراقتى دەپ باعالادى. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.