مەملەكەت باسشىسى قاسىم-جومارت توقاەۆ بريۋسسەلگە رەسمي ساپارىنىڭ سوڭىندا ەۋروپالىق كوميسسيانىڭ پرەزيدەنتى ۋرسۋلا فون دەر ليايەنمەن كەزدەستى, دەپ حابارلايدى Egemen.kz اقورداعا سىلتەمە جاساپ.
جىلى شىرايدا وتكەن كەزدەسۋدە تاراپتار قازاقستان مەن ەۋروپالىق وداق اراسىنداعى ساۋدا-ەكونوميكالىق جانە ينۆەستيتسيالىق بايلانىستاردى جان-جاقتى تالقىلادى.
سونداي-اق پاندەميادان كەيىنگى كەزەڭدەگى ەكونوميكانى قالپىنا كەلتىرۋ, كليماتتىڭ وزگەرۋى, كولىك-لوگيستيكا, گۋمانيتارلىق سالالارداعى ىنتىماقتاستىقتى دامىتۋ, عالامدىق جانە ايماقتىق قاۋىپسىزدىك ماسەلەلەرى بويىنشا پىكىر الماستى. اڭگىمە بارىسىندا ەكونوميكالىق ىنتىماقتاستىقتى كەڭەيتۋ ماسەلەسىنە باسا ءمان بەرىلدى. مەملەكەت باسشىسى قازاقستان نارىعىنا ينۆەستيتسيا سالاتىن ەۋروپالىق ينۆەستورلار ءۇشىن ارنايى جاعداي جاسالاتىنىن جانە ينستيتۋتتسيونالدىق قولداۋ كورسەتىلەتىنىن اتاپ ءوتتى.
ەۋروپالىق وداق – ورتالىق ازياداعى قازاقستاننىڭ ءىرى ساۋدا جانە ينۆەستيتسيالىق ارىپتەسى. ايماققا تارتىلعان ينۆەستيتسيانىڭ 75 پايىزى ءبىزدىڭ ەلىمىزگە تيەسىلى.
كەزدەسۋدە تاراپتار «جاسىل» ەكونوميكا, ورنىقتى ەنەرگەتيكا جانە تاۋ-كەن ونەركاسىبى, اگروبيزنەس, ءىت-تەحنولوگيالار, يننوۆاتسيالار, ترانزيت جانە كولىك, قارجى, دەنساۋلىق ساقتاۋ جانە فارماتسەۆتيكا, ءبىلىم بەرۋ مەن تۋريزم سياقتى پەرسپەكتيۆالى سالالار بويىنشا ىقپالداستىقتىڭ جاڭا باعىتتارىن ىزدەستىرۋگە مۇددەلى ەكەندەرىن ءبىلدىردى.
ەۋروپالىق وداق پرەزيدەنتى قازاقستاندا جۇرگىزىلىپ جاتقان ساياسي جانە ەكونوميكالىق رەفورمالارعا جوعارى باعا بەرىپ, ەۋرووداقتىڭ ەلىمىزبەن ساۋدا-ەكونوميكالىق جانە ينۆەستيتسيالىق ىقپالداستىقتى ودان ءارى نىعايتۋعا بەيىلدى ەكەنىن ناقتىلادى.
ۋرسۋلا فون دەر ليايەن قازاقستاننىڭ اۋعانستانداعى احۋالدى تۇراقتاندىرۋعا جانە گۋمانيتارلىق كومەك بەرۋ شارالارىن قابىلداپ جاتقانىنا قولداۋ ءبىلدىردى.
كەزدەسۋ سوڭىندا قاسىم-جومارت توقاەۆ ۋرسۋلا فون دەر ليايەندى قازاقستانعا ساپارمەن كەلۋگە شاقىردى.