ايگىلى The ءRing تىلشىسى مايكل مونتەرو قازاقستاندىق كاسىپقوي بوكس شەبەرى جانىبەك ءالىمحان ۇلىنىڭ كاسىبي مانسابىنا قاتىستى پىكىرىمەن ءبولىستى, دەپ حابارلايدى Egemen.kz.
«جانىبەك سوڭعى جەكپە-جەگىندە تاماشا جەڭىسكە قول جەتكىزدى. ول ءوزىنىڭ شىن شەبەر ەكەنىن كورسەتتى. مەنىڭ ويىمشا ول WBO تۇجىرىمى بويىنشا ورتا سالماقتاعى الەم چەمپيونى دەمەتريۋس اندرادەمەن جۇدىرىقتاسۋعا تولىق دايىن. بۇل كەرەمەت كەزدەسۋ بولار ەدى. ەكەۋىنىڭ جەڭىسكە جەتۋ مۇمكىندىگى تەڭ», دەيدى امەريكالىق ساراپشى ويىمەن ءبولىسىپ.
ءيا, مۇحيتتىڭ ارعى بەتىندەگى كوپتەگەن ساراپشىلار جانىبەكتىڭ فرانتسۋز ورەنى حاسسان ندام نجيكامدى وڭاي جەڭگەنى جايلى جارىسا جازىپ جاتىر. ولار قازاق بوكسشىسى بولاشاقتا ورتا سالماقتاعى ايگىلى وتانداسىمىز گەننادي گولوۆكيندى جوقتاتپايدى دەگەندى دە العا تارتتى.