ءسىزدى قازاقستان حالقى اسسامبلەياسى, اسسامبلەيا كەڭەسى مۇشەلەرى اتىنان, 1995 جىلى 1 ناۋرىزدا, ءسىزدىڭ جارلىعىڭىزبەن قۇرىلعان قازاقستان حالقى اسسامبلەياسىنا 19 جىل تولۋىمەن شىن جۇرەكتەن قۇتتىقتايمىز.
قازاقستان حالقى ءۇشىن بۇل وقيعانىڭ ورنى ەرەكشە. ءبىزدىڭ تاۋەلسىز ەلىمىزدىڭ دامۋ تاريحى ءسىزدىڭ وسى شەشىمىڭىزدىڭ ومىرلىك ماڭىزىن جانە ساياسي كورەگەندىگىن سان مارتە دالەلدەدى.
جاس مەملەكەتتىڭ قالىپتاسۋ جىلدارىندا, ءسىزدىڭ دانا ساياساتىڭىزدىڭ ارقاسىندا, قازاقستاندا جاڭا ەكونوميكالىق جانە ساياسي قاتىناستار قالىپتاستى.
ءسىزدىڭ ساياسي ەرىك-جىگەرىڭىزدىڭ ارقاسىندا بۇگىندە بارشا الەمدىك قوعامداستىق مويىنداعان, ەلىمىزدىڭ ءاربىر پاتريوتى ءۇشىن قىمبات ەسىم – نۇرسۇلتان نازارباەۆتىڭ اتىن يەلەنگەن قوعامدىق كەلىسىم مەن ەل بىرلىگىنىڭ قازاقستاندىق ۇلگىسى قۇرىلدى.
ءسىزدىڭ باسشىلىعىڭىزبەن اسسامبلەيا جەمىستى دامىپ, بەيبىتشىلىك پەن كەلىسىمنىڭ جالپىحالىقتىق ينستيتۋتىنا اينالدى, حالىقتىق سيپاتقا يە بولدى.
بۇگىندە اسسامبلەيا قوعامنىڭ باستاۋشىسى جانە «قازاقستان-2050» ستراتەگياسىندا العا قويىلعان مىندەتتەردى ىسكە اسىرۋدا بارشا قازاقستان حالقىنا جانە سىزگە, نۇرسۇلتان ءابىش ۇلى, سەنىمدى تىرەك بولىپ تابىلادى.
اسسامبلەيا, سەنىم مەن ىنتىماقتىڭ, ازاماتتىق پارىز بەن جاۋاپكەرشىلىكتىڭ ستراتەگيالىق رەسۋرسى بولا وتىرىپ, ازاماتتىق بەيبىتشىلىك پەن قوعامدىق كەلىسىمنىڭ, ساياسي تۇراقتىلىقتىڭ بەرىك نەگىزىنە اينالدى.
ءبىز, قازاقستان حالقى اسسامبلەياسىنىڭ مۇشەلەرى, ءسىزدى, قۇرمەتتى نۇرسۇلتان ءابىش ۇلى, حالقىمىزدىڭ عاسىرلار بويعى ارمانى – «ماڭگىلىك ەلدى» قالىپتاستىرۋ جولىندا بار كۇش-جىگەرىمىزدى جۇمسايتىنىمىزعا سەندىرگىمىز كەلەدى.
ءبىز بولاشاققا سەنىممەن قاراپ, ەلىمىزدى ماقتان تۇتامىز, قاسيەتتى قازاق جەرىن, قازاق ەلىن جانە ەلباسىمىزدى بەرگەن تاعدىرىمىزعا, جاراتۋشىمىزعا جانە تاريحىمىزعا ريزاشىلىعىمىزدى بىلدىرەمىز!
ءبىز ارقاشان ءسىزدىڭ ادال جانە شىن بەرىلگەن سەرىگىڭىز بولعانبىز جانە سولاي بولىپ قالا بەرەمىز!
قازاقستان حالقى اسسامبلەياسى كۇنى قۇتتى بولسىن!
قازاقستان حالقى اسسامبلەياسىنىڭ كەڭەسى