شىعىس قازاقستان وبلىسىنداعى بىرنەشە اۋداندا كوكتايعاققا بايلانىستى ەكىنشى اۋىسىمداعى وقۋشىلار ونلاين وقيدى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 26 قاراشادا اۋا رايىنىڭ ناشارلاۋىنا, ناقتى ايتقاندا كوكتايعاققا بايلانىستى كەيبىر اۋدانداردا ەكىنشى اۋىسىمداعى وقۋشىلار ونلاين فورماتتا وقيتىن بولدى.
«ۇلان اۋدانىندا, گلۋبوكوە اۋدانى بەلوۋسوۆكا كەنتىندە جانە كۇرشىم اۋدانىندا 0-9 سىنىپتار مەكتەپكە بارمايدى. ال تاڭەرتەڭ بەسقاراعاي اۋدانىنىڭ ورتالىعىندا, گلۋبوكوە, كوكپەكتى, ۇلان اۋداندارى مەن شەمونايحا اۋدانىنىڭ پرۋگگەروۆو جانە سۋگاتوۆكا اۋىلدارىندا 0-11 سىنىپتار قاشىقتان ءبىلىم العان بولاتىن», دەپ حابارلادى ۆەدومستۆو وكىلدەرى.