2022 جىلدىڭ 1 قاڭتارىنان باستاپ قازاقستان اۋماعىنداعى جەكە تۇلعالارعا ساتىلعان تاۋارلار, كورسەتىلگەن قىزمەتتەر بويىنشا قوسىمشا قۇن سالىعىن (ققس) تولەۋ بويىنشا شەتەلدىك ينتەرنەت-كومپانيالاردىڭ مىندەتتەمەلەرى تۋرالى سالىق كودەكسىنىڭ نورمالارى كۇشىنە ەنەدى, دەپ حابارلايدى Egemen.kz.
ۇلتتىق ەكونوميكا مينيسترلىگىنىڭ اقپاراتى بويىنشا, قىزمەتتەر مەن تاۋارلاردى ونلاين-پلاتفورمالار ارقىلى ساتاتىن بارلىق شەتەلدىك كومپانيالار قازاقستان بيۋدجەتىنە ققس تولەۋگە مىندەتتى بولادى.
ققس ستاۆكاسى ساتىلعان تاۋارلار مەن قىزمەتتەر سوماسىنان 12%-دى قۇرايدى. ۆەدومستۆودا اتاپ وتكەندەي, بۇل قازاقستاندىق تولەۋشىلەرگە اسەر ەتپەيدى.
«تولەم ءتارتىبى وتە قاراپايىم بولادى. كومپانيالار سالىق ەسەبىنە تۇرمايدى. وڭايلاتىلعان تارتىپتە ولار سالىق ورگاندارىنا حات جىبەرەدى جانە ققس تولەۋگە دايىن ەكەندىگى تۋرالى حابارلايدى», دەدى ۇەم ۆيتسە-ءمينيسترى ازامات امرين.
اكىمشىلەندىرۋ شەتەلدىك ينتەرنەت-كومپانيالار بولىنىسىندە اۋدارىلعان سومالار تۋرالى ەكىنشى دەڭگەيدەگى بانكتەردىڭ دەرەكتەرى نەگىزىندە جۇزەگە اسىرىلادى.
ول ءۇشىن شەتەلدىك كومپانيانى تولەم جۇيەلەرىن قولدانا وتىرىپ تولەم جانە/نەمەسە اقشا اۋدارىمىن الۋشى رەتىندە انىقتايتىن تاڭبالاردىڭ ەرەكشە جيىنتىعى بولىپ تابىلاتىن Merchant ID نەمەسە MID تۇسىنىگىن ورناتۋ ۇسىنىلادى.
Merchant ID بانكتەر ءتيىستى تولەمدەر مەن اقشا اۋدارىمدارىن سايكەستەندىرەتىن شەتەلدىك ينتەرنەت-كومپانيالار ۇسىناتىن دەرەكتەمەلەردىڭ ءبىرى بولىپ تابىلادى.
ەكونوميكا مينيسترلىگىندە اتاپ وتكەندەي, بۇل حالىقارالىق تاجىريبە. ماسەلەنى قاراۋ كەزىندە ەۋروپا ەلدەرىنىڭ دە, جاقىن كورشىلەر - رەسەي مەن بەلارۋستىڭ دە حالىقارالىق تاجىريبەسى زەرتتەلدى.
ۇەم بولجامىنا سايكەس, ققس سالىعى ەسەبىنەن بيۋدجەتكە تۇسەتىن تۇسىمدەر جىلىنا 2 ملرد تەڭگەنى قۇرايدى.
ەسكە سالا كەتسەك, 25 قاراشادا سەنات سالىق كودەكسىنە ينتەرنەت ارقىلى ساتىلعان تاۋارلارعا ساندىق سالىقتى ەنگىزۋدى كوزدەيتىن تۇزەتۋلەردى قابىلدادى.