WBO تۇجىرىمى بويىنشا ورتا سالماقتاعى الەم چەمپيونى دەمەتريۋس اندرادەنىڭ پروموۋتەرى ەددي حيرن بوكسشىنىڭ ازىرگە جانىبەك الىمحان ۇلىمەن جەكپە-جەككە شىعاتىن جوسپارى جوق ەكەنىن مالىمدەدى, دەپ حابارلايدى Egemen.kz.
«بۇكىلالىمدىك بوكس ۇيىمى دەمەتريۋس اندرادەنىڭ مىندەتتى قارسىلاسى رەتىندە جانىبەك ءالىمحان ۇلىن بەلگىلەپ, جەكپە-جەكتى ۇيىمداستىرۋ تۋرالى شەشىم قابىلداي ما؟ ءدال قازىر ونداي قادامعا بارمايدى. ونىڭ كومانداسى وسى شايقاستى ۇيىمداستىرۋ تۋرالى سۇرانىس حات جىبەردى. ەگيستىڭ حاتىنا ۇيىم دا, ءبىز دە قازىر جاۋاپ بەرۋ ۇستىندەمىز. دەمەتريۋس ەكى جەكپە-جەك بۇرىن ليام ۋيليامسقا قارسى رينگكە شىعىپ, مىندەتىن ورىندادى. اندرادەنىڭ ۇلكەن شايقاسقا شىعۋىنا مۇمكىندىك بەرىڭىزدەر. ول ۇلكەن كەزدەسۋ وتكىزگىسى كەلەدى. ولارمەن بايلانىس كەزىندە وسى ماسەلە ءبىزدىڭ باستى ارگۋمەنتىمىز بولادى», دەيدى پروموۋتەر.
ءيا, بۇعان دەيىن جانىبەكتىڭ مەنەدجەرى بۇكىلالەمدىك بوكس ۇيىمىنا جانىبەكتى دەمەتريۋستىڭ مىندەتتى قارسىلاسى رەتىندە بەلگىلەۋ تۋرالى سۇرانىس حات جىبەرگەن بولاتىن. الايدا ەددي حيرن بوكسشىسىنىڭ جانىبەكپەن ەمەس, WBC تۇجىرىمى بويىنشا الەم چەمپيونى دجەرمالل چارلومەن قولعاپ تۇيىستىرگەنىن قالايدى.