بۇگىن سامارا-شىمكەنت تاسجولىندا جەڭىل جانە جۇك كولىگى سوقتىعىسىپ, جۇرگىزۋشى كوز جۇمدى, دەپ حابارلايدى Egemen.kz.
وقيعا بۇگىن ساعات 11:30-دا بولدى. سامارا-شىمكەنت تاسجولىنىڭ 932 شاقىرىمىنداعى بەلقوپا كەنتىنىڭ ماڭىندا جول اپاتى ورىن الدى.
«Honda اۆتوكولىگىنىڭ جۇرگىزۋشىسى اراقاشىقتىقتى ەسەپتەمەي, باسا وزۋ مانەۆرىن جاساپ, ناتيجەسىندە DAF جۇك اۆتوكولىگىمەن سوقتىعىسقان. جول-كولىك وقيعاسى سالدارىنان Honda اۆتوكولىگىنىڭ جولاۋشىسى وقيعا ورنىندا كوز جۇمدى, جۇرگىزۋشى ءتۇرلى جاراقاتتارمەن اۋداندىق اۋرۋحاناعا جاتقىزىلدى. وسىعان بايلانىستى جول ءجۇرۋ ەرەجەلەرىن قاتاڭ ساقتاۋدى, جىلدامدىقتى شامادان تىس اسىرماۋدى, قارسى قوزعالىس جولاعىنا شىقپاۋدى سۇرايمىز», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.