قوستاناي قالاسىنداعى №122 ورتا مەكتەپتىڭ ديرەكتورىنا بيۋدجەت قارجىسىن قالتاسىنا باستى دەگەن ايىپ تاعىلدى, دەپ حابارلايدى Egemen.kz.
بۇل تۋرالى وبلىستىق سوتتىڭ ءباسپاسوز قىزمەتى ءمالىم ەتتى.
سوت مەكتەپ ديرەكتورى قىزمەتىن اتقارعان م-نىڭ 2019 جىلدىڭ قازانى مەن وسى جىلدىڭ قاڭتار ايى ارالىعىندا قىزمەتىنە بايلانىستى سەنىپ تاپسىرىلعان 1 955 300 تەڭگە كولەمىندەگى بيۋدجەت قاراجاتىن جىمقىرعانىن انىقتادى.
«مەكتەپ ديرەكتورى ءوز كىناسىن مويىنداعان جوق. سوت وتىرىسى كەزىندە پروكۋرور وعان ەكى جىل باس بوستاندىعىنان ايىرۋ جازاسىن تاعايىنداۋدى ۇسىندى», دەپ حابارلادى سوتتىڭ ءباسپاسوز قىزمەتى.
ۇكiم شىعارۋ كەزiندە سوت ايىپتالۋشىنىڭ جاۋاپكەرشiلiگi مەن جازاسىن جەڭiلدەتەتiن ءمان-جايلاردى, العاش رەت سوتتالىپ جاتقانىن, سونداي-اق وتباسىلىق-ماتەريالدىق جاعدايى مەن وڭ مىنەزدەمەسىن نازارعا الدى.
«سوت ايىپتالۋشىنىڭ مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى اۋىر سىبايلاس قىلمىس جاساعانىن مويىندامايتىنىن جانە جاساعان ىسىنە وكىنبەيتىنىن ەسكەرىپ, كەلتىرىلگەن زالالدىڭ 10 ەسەلەنگەن مولشەرىندە ايىپپۇل سالۋ تۇرىندەگى جازا تاعايىندادى. سونداي-اق بۇدان بۇلاي ول مەملەكەتتىك قىزمەت اتقارۋ قۇقىعىنان ءومىر بويىنا ايىرىلدى. ايىپتالۋشى مەملەكەت ەسەبىنە 19 553 000 تەڭگە ايىپپۇل تولەيدى», دەلىنگەن حابارلامادا.
ۇكىم ءالى زاڭدى كۇشىنە ەنگەن جوق.