سەناتتا «قازاقستان رەسپۋبليكاسىنىڭ سىرتقى جانە ىشكى ساۋداسى سالالارىنداعى زاڭنامالىق بازانى جەتىلدىرۋ مەن ءتيىمدى ساياساتتى ىسكە اسىرۋ» تاقىرىبىنا ارنالعان ۇكىمەت ساعاتى ءوتتى, دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەنات توراعاسىنىڭ ورىنباسارى نۇرلان ءابدىروۆ ۇكىمەت ساعاتى وتىرىسىن اشا كەلىپ, قازاقستاننىڭ ساۋدا سالاسىندا جۇيەلى پروبلەمالار, ونىڭ ىشىندە كولەڭكەلى تۇستارى دا بار ەكەنىن اتاپ ءوتتى. توراعا ورىنباسارى سونىمەن قاتار وتىن-ەنەرگەتيكالىق تاۋارلار, اتاپ ايتقاندا, ەكسپورت كولەمىنىڭ 51,5%-ىن اقشا بالاماسىنداعى مۇناي جانە مۇناي ونىمدەرى بۇرىنعىشا قازاقستاندىق ەكسپورتتىڭ نەگىزىن قۇراپ وتىرعانىن ايتتى.
ء«بىزدىڭ مىندەتىمىز – ساۋدا سالاسىن تۇراقتى دامىتۋ جانە ونىڭ باسەكەگە قابىلەتتىلىگىن ارتتىرۋ ءۇشىن جۇيەلى جانە ينستيتۋتسيونالدىق نەگىز جاساۋ بولىپ تابىلادى. ءبىرىنشى كەزەكتە, ول ىشكى نارىقتى ساپالى جانە قاۋىپسىز ونىممەن قامتاماسىز ەتۋگە مۇمكىندىك بەرەتىن جاعدايلار جاساۋ. ول سونداي-اق قازاقستاندىق ءونىمدى سىرتقى نارىقتارعا ىلگەرىلەتۋ ءۇشىن قولايلى جاعداي جاساۋ بولىپ وتىر», - دەپ اتاپ ءوتتى نۇرلان ءابدىروۆ.
پالاتا توراعاسىنىڭ ورىنباسارى سونىمەن قاتار ەاەو ەلدەرىنىڭ اۋماعىندا قازاقستاندىق تاۋارلاردىڭ ەكسپورتى مەن ترانزيتىنە ءالى دە شەكتەۋ بار ەكەنىن اتاپ ءوتتى. سونداي-اق وتاندىق نارىقتاعى سەرتيفيكاتتاردى تەحنيكالىق رەتتەۋدە, قازاقستاندىق سەرتيفيكاتتىڭ باسقا ەلدەردە, ونىڭ ىشىندە ەاەو-دا مويىندالماۋىنا بايلانىستى پروبلەمالار بار. نۇرلان ءابدىروۆتىڭ ايتۋىنشا, بۇل پروبلەمالاردى شەشۋ قازاقستاننىڭ سىرتقى جانە ىشكى ساۋداسىن ودان ءارى دامىتۋ ءۇشىن اسا ماڭىزدى.
سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى داۋرەن ادىلبەكوۆ ءوز كەزەگىندە ەلىمىزدىڭ سىرتقى جانە ىشكى ساۋداسىن دامىتۋ پالاتا ءۇشىن باسىم ماسەلەلەردىڭ ءبىرى ەكەنىن اتاپ ءوتتى. ول بۇگىنگى تاڭدا قاجەتتى ءتيىستى زاڭنامالىق بازا ازىرلەنىپ, مەملەكەتتىك قولداۋ جۇيەسى جۇمىس ىستەپ جاتقانىن جەتكىزدى. الايدا, سەناتوردىڭ ايتۋىنشا, دەپۋتاتتاردىڭ كاسىپكەرلەرمەن كەزدەسۋى كەزىندە ايتىلعان, ايتسە دە شەشىمىن تاپپاعان ماسەلەلەر ءالى دە بار.
«كەزدەسۋ بارىسىندا بيزنەس سۋبەكتىلەرى وتاندىق نارىقتا يمپورتتىق, كوبىنەسە ساپاسى تومەن ونىمدەردىڭ قاپتاپ كەتۋى جانە ساپا سايكەستىگىنىڭ جالعان سەرتيفيكاتتارىنىڭ بولۋى ماسەلەسىن كوتەرەدى. سونداي-اق ينفراقۇرىلىمدى دامىتۋ دەڭگەيىنىڭ تومەندىگى, جالعا الۋ قۇنى مەن جىلجىمايتىن م ۇلىك وبەكتىلەرى باعاسىنىڭ جوعارى بولۋى شوب-تىڭ ءىرى ساۋدا ورتالىقتارىنا قولجەتىمدىلىگىن شەكتەۋگە الىپ كەلەدى», دەدى داۋرەن ادىلبەكوۆ.
ساۋدا جانە ينتەگراتسيا ءمينيسترى باقىت سۇلتانوۆ دەپۋتاتتاردىڭ دالەلدەرىمەن كەلىسە وتىرىپ, ساۋدانىڭ ءتيىمدى دامۋىنا بىرقاتار پروبلەمالار كەدەرگى بولاتىنىن, ونىڭ ىشىندە ساۋدانىڭ قازىرگى زامانعى تۇرلەرى مەن سيپاتتارىنىڭ ازدىعى, ساپالى ساقتاۋ ينفراقۇرىلىمنىڭ جەتىسپەۋشىلىگى مەن ساۋدا-لوگيستيكا تىزبەگىنىڭ وبەكتىلەرىن ۇيلەستىرۋدىڭ جوقتىعى اۋىل شارۋاشىلىعى ونىمدەرىن اۋقىمدى شىعىنعا, دەلدالدىڭ كوبەيۋى مەن باعانىڭ نەگىزسىز وسۋىنە الىپ كەلەتىنىن جەتكىزدى. سالا باسشىسى ۇكىمەت ساعاتىنىڭ قاتىسۋشىلارىنا بۇگىنگى كورىنىستەر مەن قازىرگى پروبلەمالاردى ەسكەرە وتىرىپ, مينيسترلىك قازاقستاننىڭ سىرتقى جانە ىشكى ساۋداسىنداعى جاعدايدى جاقسارتۋ جونىندە كەشەندى جۇمىستار جۇرگىزىلىپ جاتقانىن حابارلادى.
سەناتور داۋرەن ادىلبەكوۆ ۇكىمەت ساعاتىنىڭ جۇمىسىن قورىتىندىلاي كەلىپ, كەزدەسۋ بارىسىندا ايتىلعان ۇسىنىستار مەن ۇسىنىمدار ۇكىمەتكە جىبەرىلەتىنىن اتاپ ءوتتى.