2021 جىلعى 22 قاراشادا اناتول مەن گابريەل ستاتي بەلگياداعى ۇلتتىق قوردىڭ 530 ميلليون اقش دوللارى سوماسىنا تەڭ اكتيۆتەرىنە سالىنعان تىيىمنىڭ كۇشىن جويۋ كەرەك ەكەندىگىن مويىندادى. بۇل تۋرالى قر ادىلەت مينيسترلىگى حابارلادى, دەپ جازادى Egemen.kz.
بۇل قازاقستان رەسپۋبليكاسى مەن قازاقستان ۇلتتىق بانكىنە قارسى بەلگياداعى پروتسەستە ءستاتيدىڭ ەشقانداي پەرسپەكتيۆاسى جوق ەكەندىگىنىڭ بەلگىسى.
ستاتيمەن سالىنعان تىيىمنىڭ الىنۋى بريۋسسەل اپەللياتسيالىق سوتىنىڭ 2021 جىلعى 16 قاراشاداعى شەشىمىنىڭ تىكەلەي ناتيجەسى. بۇل شەشىم ءستاتيدىڭ ءىرى كولەمدەگى الاياقتىق سحەماعا قاتىسى بار جانە ول تەك تورەلىك سوتتى عانا ەمەس, سونىمەن قاتار تورەلىك شەشىمنىڭ كۇشىن جويۋ جونىندەگى پروتسەسس كەزىندە شۆەتسيا سوتتارىن دا جاڭىلىستىرعانىن انىقتادى.
ستاتي بەلگياداعى سوت تالقىلاۋىن 2017 جىلدىڭ سوڭىندا قوزعادى. بۇل 2018 جىلعى مامىردا Bank of New York Mellon ساقتاۋىنداعى ۇلتتىق قورعا تيەسىلى 530 ميلليون اقش دوللارىنا تىيىم سالىنۋىنا اكەپ سوقتى.
بەلگياداعى ءىس جۇرگىزۋ كەلەسى ءۇش پروتسەستى قامتيدى: ء(ى) تورەلىك شەشىمدى تانۋ جانە ورىنداۋ بويىنشا ءىس جۇرگىزۋ, ء(ىى) ۋاقىتشا تىيىم سالۋ بويىنشا ءىس جۇرگىزۋ جانە ء(ىىى) اكتيۆتەرگە ۋاقىتشا تىيىم سالۋدى اتقارۋشىلىق ءىس جۇرگىزۋگە اۋىستىرۋ. وسى پروتسەستەر بريۋسسەلدىڭ اپەللياتسيالىق سوتىمەن ستاتي ۇيىمداستىرعان ءىرى كولەمدى الاياقتىق ناتيجەسىندە الىنعان تورەلىك شەشىمگە نەگىزدەلگەن.
بۇگىنگى جاڭالىقتارعا قاتىستى ادىلەت ءمينيسترى مارات بەكەتاەۆ تۇسىنىك بەردى.
«بەلگياداعى 530 ميلليون اقش دوللارىنا تىيىم سالۋدان ءستاتيدىڭ ءوز ەركىمەن باس تارتۋى - ولاردىڭ ءىرى كولەمدەگى الاياقتىق ارەكەتتەرىنىڭ سالدارىنىڭ ءبىرى عانا. ستاتي مەن ولاردىڭ سىبايلاستارىنىڭ, ونىڭ ىشىندە دەنيەل چاپمان مەن ونىڭ ارگەنتەم كريك كومپانيالارىنىڭ الاياقتىعىنان زاڭنىڭ ۇستەمدىگىن قورعاۋ جولىندا ادىلەت مينيسترلىگى قول جەتىمدى بارلىق قۇرالداردى قولداناتىن بولادى. بۇل قۇقىقتىق قورعاۋ قۇرالدارى رەسپۋبليكاعا قارسى ستاتيمەن جالعان جانە زاڭسىز قۋدالاۋ ناۋقانىن جۇرگىزىپ جاتقان بەلگيادا جانە باسقا دا يۋريسديكتسيالاردا بار», دەدى مينيستر.
«سونىمەن قاتار ۋاقىتشا تىيىم سالۋ پروتسەسى اياسىندا لوندوننىڭ جوعارعى سوتىندا بولەك سوت پروتسەسى بولعانىن قوسىمشا حابارلايمىز. ونىڭ ناتيجەسىندە 2020 جىلعى ناۋرىزدا رەسپۋبليكا مەن ۇلتتىق بانك پايداسىنا شەشىم قابىلداندى. وسى لوندونداعى پروتسەستە جوعارعى سوتتىڭ 2021 جىلعى اقپانداعى رەسپۋبليكا مەن ۇلتتىق بانكتىڭ 3,7 ميلليون دوللار كولەمىندەگى سوت شىعىندارىن تولەۋگە مىندەتتەيتىن شەشىم ءستاتيدىڭ جەڭىلىسىنىڭ ناتيجەسى بولدى. الايدا, ستاتي شەشىمدى وسى ۋاقىتقا دەيىن ورىندامادى», دەلىنگەن ۆەدومستۆو مالىمەتىندە.
.