ءسۇت ونىمدەرىنە سۇرانىس جوعارى

رۋدنىي زاۋىتىندا ءسۇت ونىم­دەرىنىڭ 50-دەن استام ءتۇرى شىعارىلادى. زاۋىت­تىڭ ءوندى­رىس جەلىلەرى تولىق اۆتو­مات­تان­دى­رىلعان. مۇن­داعى زاماناۋي تەحنولو­گيا­­­نىڭ مۇمكىندىگى جوعا­رى بول­­عاندىقتان, كاسىپورىن ونىم­­دەرى ءبىر ايعا دەيىن بۇ­زىل­ماي ساقتالادى. بۇگىندە زاۋىت شى­عاراتىن «تاڭ» سۋسىنى مەن ىرىم­شىك, سۇزبە سىندى ەكولوگيالىق تازا ونىمدەر رەسەيدىڭ 10 شاقتى وڭىرىنە ساۋدالانادى. ونىڭ باسىم بولىگى شەكارانىڭ ارعى بەتىندە جاتقان ورال ايماعىنا ەكسپورتتالادى. كاسىپورىن باسشىسى ۆلاديمير شيرياەۆتىڭ ايتۋىنشا, زاۋىت ونىمدەرى ەلىمىزدىڭ ءار وڭىرىندە ورنالاسقان 6 مىڭ­نان استام ساۋدا ورىندارىن­دا ساتىلادى.

– ءسۇتتى وبلىستىڭ ءار وڭى­رىن­دەگى فەرمەرلەردەن, ءسۇتتى سيىر ساۋىپ وتىرعان كوو­پەراتيۆتەردەن الامىز. ساق­تاپ, سالقىنداتىپ قوياتىن بىرنەشە قابىلداۋ ورنىمىز بار. مۇنىڭ سىرتىندا, تاياۋ ماڭداعى بىرنەشە فەرمامەن ارنايى كەلىسىمگە وتىرعانبىز. ولار كۇنىنە 17-18 توننا ساپالى ءسۇت جەتكىزىپ تۇرادى. ساپالى شيكىزات – ساپالى ءونىمنىڭ نەگىزى. ءبىزدىڭ تاۋاردىڭ باستى ەرەكشەلىگى, حيميالىق قوسپا قوسىلمايدى, – دەدى ۆ.شيرياەۆ.

كاسىپورىندا وسىدان بىر­نە­شە جىل بۇرىن تاعى ءبىر جاڭا جەلى ىسكە قوسىلعان. بۇل ءوندىرىس كولەمىنىڭ ەسەلەنۋىنە جول اشتى. ەڭ باستىسى, شى­عا­رى­لا­تىن ءونىم بارلىق تالاپقا ساي. ىشكى-سىرتقى نا­رىقتا با­سەكەلەستىككە توتەپ بەرە الا­دى. ال جاڭا جەلىنىڭ ىسكە قو­سىلۋى – قوسىمشا جۇ­مىس ورىن­دارىنىڭ اشىلۋىنا مۇم­كىندىك بەردى. رۋد­نىي­داعى ءسۇت وڭدەۋ زاۋىتىندا قازىر ەكى جۇزدەي ادام ەڭبەك ەتەدى. سولاردىڭ ءبىرى – ءسۇتتىڭ ساپاسىن قاداعالاپ وتىراتىن مامان التىنگۇل ءجۇزجاساروۆا.

– «ليدەر-2010» كاسىپورنى تاۋلىگىنە 500 ليتر ءسۇت وڭدەپ, 50-دەن استام ءونىم ءتۇرىن شىعارادى. زاۋىت جىلىنا 7 مىڭ تونناعا جۋىق ءونىم وندى­رەدى. فەرمادا ساۋىلىپ, زاۋىتقا كەلگەن سۇتتەن باستاپ, ساتىلىمعا شىعاتىن ءونىمنىڭ ءبارى تەحنولوگ ليۋدميلا مات­ۆيەن­­كونىڭ قولىنان وتەدى. ءسۇت قايناتىلعاننان كەيىن, زياندى تالشىقتاردان ارىلىپ قۇنارى ارتا تۇسەدى, – دەدى مامان.

زاۋىت ونىمدەرىنىڭ سىرتقى نارىق­­تاعى ۇلەس سالماعى بيىل ­دا جوعارى. وبلىستىق اۋىل شارۋاشىلىعى باسقار­ما­­سىنىڭ مالىمەتىنشە, سوڭعى 6 اي­دىڭ ىشىندە جەرگى­لى­ك­تى كا­سىپ­ورىندار ەكسپورت كو­لە­مىن ايتارلىقتاي ۇلعاي­تىپ وتىر.

– سىرتقى نارىققا سوڭعى ۋا­قىتتا 2 مىڭ 611 توننا ءسۇت ونىم­دەرى جونەلتىلدى. بۇل ەكس­پورتتىڭ 62 پايىزعا وسكە­نىن كورسەتەدى. مىسالى, بىل­تىر 1 613 توننا ءسۇت ءونىمى ەكس­پورتتالعان بولاتىن, – دەدى وب­لىستىق اۋىل شارۋا­شى­لىعى باسقارماسى ماركەتينگ ءبولى­مىنىڭ باس مامانى جانار كاكىمب­ەكوۆا.

قوستانايدا شىعاتىن ءسۇت ونىم­­دەرى ەلىمىزدىڭ باسقا وبلىس­­تارىندا دا ءوتىمدى. بيىل جىل با­سىنان بەرى جەرگى­لىكتى كاسىپورىندار وزگە وڭىرلەرگە مىڭ جارىم تون­ناعا جۋىق ءسۇت ءونىمىن جونەلتكەن. جەرگىلىكتى ءسۇت تاۋار­لارىن وندىرۋشىلەرگە مەم­لەكەت تاراپىنان دا ۇلكەن قولداۋ كورسەتىلىپ جاتىر. ىشكى نارىقتاعى يمپورتتى ازاي­تىپ, جەرگىلىكتى ءونىمنىڭ كولە­مىن ارتتىرۋ ماقساتىندا قوس­تاناي وبلىسىندا سارى ماي, قاتتى ىرىمشىك, قۇرعاق ءسۇت وڭدەپ شىعاراتىن كاسىپ­ورىن­دارعا قوماقتى دەمەۋ­قار­جى قاراستىرىلعان.

قوستاناي وبلىسى