Almaty Investment Forum - 2021 ءىس-شاراسى وتەدى

Almaty Investment Forum 2021 – كاسىپكەرلىكتى دامىتۋ جانە قالانىڭ ينۆەستيتسيالىق تارتىمدىلىعىن ارتتىرۋ, قازاقستاننىڭ ەكونوميكالىق باسەكەگە قابىلەتتىلىك ورتالىعى رەتىندە الماتى قالاسىن دامىتۋدىڭ باسىم باعىتتارى مەن قۇرالدارىن, سونداي-اق اگلومەراتسيا, ۋربانيزاتسيا, ساندىق ترانسفورماتسيا جانە ادامي كاپيتالدىڭ ينتەگراتسياسىنا قاتىستى ماسەلەلەردى تالقىلاۋعا ارنالعان نەگىزگى ينۆەستيتسيالىق فورۋم.     

AIF 2013 جىلدان بەرى وتكىزىلىپ كەلەدى جانە مەملەكەتتىك سەكتور كوشباسشىلارىنىڭ, قازاقستان رەسپۋبليكاسىنىڭ جانە كورشىلەس ەلدەردىڭ ورتا جانە ءىرى بيزنەس وكىلدەرىنىڭ, ينۆەستيتسيا, يننوۆاتسيا جانە بيزنەس, ينۆەستيتسيالىق قورلار جانە تىكەلەي ينۆەستيتسيا قورلارى سالاسىنداعى الەمدىك كوشباسشىلارىنىڭ كەزدەسۋىنە ارنالعان ەكسكليۋزيۆتى الاڭ بولىپ تابىلادى. بيىلعى جىلى ءىس-شارا كارانتيندىك شارالارعا بايلانىستى ونلاين رەجيمىندە وتەدى, الايدا بۇل ونىڭ قامتىلۋى مەن تانىمالدىلىعىن شەكتەمەيدى. 2020 جىلى فورۋم 500-دەن استام قاتىسۋشىنى جينادى.

 فورۋمنىڭ باستى شارالارى:

الماتى قالاسىنىڭ اكىمى باقىتجان ساعىنتاەۆ «الماتى قالاسىنىڭ ستراتەگيالىق سىن-قاتەرى جانە باسىمدىقتارى» تاقىرىبىنا ءسوز سويلەيدى; قالا اكىمدەرىمەن «جاڭا جىبەك جولىنىڭ مەگا قالاسى» تەلەكوپىرىن وتكىزۋ; ساراپشىلار مەن قازاقستاندىق جانە شەتەل كومپانيالارىنىڭ ءىرى وكىلدەرىنىڭ قاتىسۋىمەن پانەلدى پىكىرتالاستار; الماتى قالاسىنىڭ وزىق جوبالارى مەن باستامالارى ۇسىنىلاتىن «جىل جوبالارى» كورمەسى; بيزنەس مەگاترەندتەرى مەن قالا باستامالارى بويىنشا ساراپشىلاردىڭ باياندامالارى; مەموراندۋمعا قول قويۋ ءراسىمى.

  www.aif21.kz رەسمي سايتىندا ءسىز تىركەۋدەن ءوتىپ, Almaty Investment Forum 2021 باعدارلاماسىمەن تانىسا الاسىز.